قازاقستاندىق ەكونوميستەر مەن قارجىگەرلەر "تەڭگەنٸڭ قۇلدىراۋىن ۇلتتىق بانك تەجەپ قالا الا ما" دەگەن سۇراققا جاۋاپ بەردٸ جەنە قازاقستاندىقتارعا كەڭەس ايتتى, - دەپ حابارلايدى Tengrinews.kz تٸلشٸسٸ.
قارجى تالداۋشىسى اندرەي چەبوتارەۆ ۇلتتىق بانكتٸڭ تەڭگە باعامىن تۇراقتاندىرۋ جٶنٸندەگٸ ٸس-ەرەكەتٸن وڭ باعالاۋعا بولاتىنىن ايتتى. ۆاليۋتا بويىنشا ساۋدا-ساتتىقتىڭ نەعۇرلىم كەش ۋاقىتقا اۋىستىرىلۋى تەڭگەدەن رەسەي ەكونوميكاسىنا جاسالعان قىسىم مەن سانكتسييالاردان بولاتىن بٸرٸنشٸ سوققىنىڭ اۋىرتپالىعىن جەڭٸلدەتتٸ.
"دەمالىس كٷندەرٸ ەنگٸزٸلگەن سانكتسييالاردى ەسكەرە وتىرىپ, ساۋدا-ساتتىق رۋبلمەن ەمەس, تەڭگەمەن باستالسا, بٸزدٸڭ ۆاليۋتا العاشقى اۋىر سوققىنى قابىلدايتىن ەدٸ. ۋاقىت بويىنشا بٸزدٸڭ بيرجاداعى ساۋدا-ساتتىق مەسكەۋ بيرجاسىنا قاراعاندا ٷش ساعات بۇرىن باستالۋى كەرەك ەدٸ, بٸراق ولار 15:00-دە اشىلدى. نەتيجەسٸندە بٸرٸنشٸ سوققى رۋبلگە تيدٸ, ال بٸز جاپپاي تەڭگە ساتىپ الۋدان اۋلاق بولدىق. بٷگٸن ساۋدادا بٸر دوللار ٷشٸن 550, 570, تٸپتٸ 600 تەڭگە بەلگٸلەگەن بانكتەر بولدى, بٸراق بٸز ورتاشا ٶلشەگەندە باعام 495 تەڭگە دەڭگەيٸندە قالعانىن جەنە ۇلتتىق بانك ٸس-ەرەكەتٸندە ٶزٸنٸڭ تيٸمدٸلٸگٸن كٶرسەتكەنٸن كٶرٸپ وتىرمىز", - دەدٸ چەبوتارەۆ.
ول قازٸر باعانىڭ ٶسۋٸنەن قورقىپ, تۇرمىستىق تەحنيكا نەمەسە كٶلٸكتٸ ساتىپ الۋ-الماۋدى ەركٸم ٶزٸ شەشەتٸنٸن ايتتى.
"باعا ٶسٸپ, قازٸر بٸر نەرسە ساتىپ الۋ ارقىلى جاقسى جەڭٸلدٸك الۋىڭىز مٷمكٸن. الايدا نەسيەگە جاپپاي ۆاليۋتا الۋعا كەڭەس بەرمەس ەدٸم, ٶيتكەنٸ قارىزعا باتىپ كەتە الاسىز", - دەدٸ قارجى ساراپشىسى.
ەكونوميست جەنە AERC باس ديرەكتورى جەنٸبەك ايعازين ۇلتتىق ۆاليۋتاعا قاتىستى جاعداي ۇلتتىق بانكتٸڭ باقىلاۋىندا جەنە قارجى رەتتەۋشٸسٸ سىرتقى فاكتورلاردى ەسكەرە وتىرىپ, باعامعا ەسەر ەتەدٸ دەپ سانايدى.
"KASE باعامى 495 تەڭگە دەڭگەيٸندە بەلگٸلەندٸ, بۇل رەتتە ساۋدا-ساتتىق كٶلەمٸنٸڭ 62 پايىزى (جالپى ساۋدا 160 ميلليون دوللارعا) ۇلتتىق بانكتٸڭ ينتەرۆەنتسييالارى ەسەبٸنەن قامتاماسىز ەتٸلدٸ. ۇلتتىق بانك باعامدى تٶمەنٸرەك قويا الاتىن ەدٸ, بٸراق رەتتەۋشٸ فورەكس باعامى مەن كروسس-باعام رۋبل/تەڭگە سيياقتى باسقا دا فاكتورلارعا قاراپ وتىر. وسى فاكتورلارعا سەيكەس 1 دوللار 500 تەڭگە شاماسىندا ساقتالادى", - دەدٸ ايعازين.
AERC باس ديرەكتورى رۋبل كٷرت قۇلدىراپ, ونىمەن بايلانىستى تەڭگە دە ارزانداسا ٷرەيدەن اۋلاق بولۋ كەرەك ەكەنٸن ايتتى. ەكونوميستٸڭ سٶزٸنشە, ەيتپەسە ۇلتتىق بانك ۆاليۋتالىق ساۋدا-ساتتىقتى بٸرنەشە كٷنگە توقتاتا تۇرۋى قاجەت.
"قازٸر كٶپ كەسٸپورىن اقشاسىن دوللارعا ايىرباستاپ الدى, تٸپتٸ اينالىم قاراجاتىن اۋىستىردى, ٶيتكەنٸ بٸزدە ٸشكٸ ايىرباستاۋعا شەكتەۋلەر جوق. قازٸر بارلىعى ۆاليۋتامەن وتىرادى, ال ەگەر ولار وسى ۆاليۋتانى ٶتكٸزە باستاسا, باعام تۇراقتانۋى مٷمكٸن جەنە بٸر دوللارعا 500 تەڭگە بولمايدى. ەڭ باستىسى, دٷربەلەڭ بولماۋى كەرەك. ساۋدا-ساتتىقتا باعام قايتا ستراتوسفەراعا ۇشسا, ۆاليۋتالىق وپەراتسييالاردى بٸر-ەكٸ كٷنگە توقتاتۋ كەرەك. بۇل ەكونوميكالىق سەبەپتەرگە بايلانىستى", - دەدٸ جەنٸبەك ايعازين.
