قر دەنساۋلىق ساقتاۋ مينيسترٸ الەكسەي تسوي ۆاكتسينا العان قازاقستاندىقتاردىڭ قاجالىققا بارۋ مٷمكٸندٸگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«جالپى العاندا, قاجىلىققا بارۋ ٷشٸن ەر ەل ٶز تالابىن قويادى. قازٸر بٸزدە Sinofarm كومپانيياسىنىڭ ۆاكتسيناسى بار. دٷنيەجٷزٸلٸك دەنساۋلىق ساقتاۋ ۇيىمى ونى اككرەديتتەدٸ. ياعني, ەگەر قاجىلىققا قابىلداۋشى ەل ددۇ-دا تٸركەلگەن ۆاكتسينانىڭ بولۋىن تالاپ ەتسە, ونداي ۆاكتسينا بٸزدە بار دەگەن سٶز. سونى قابىلداپ, قاجىلىققا شىعا بەرۋگە بولادى», - دەدٸ مينيستر.
ۆەدومستۆو باسشىسى قازاقستاندىق QazVac ۆاكتسيناسىن دٷنيەجٷزٸلٸك دەنساۋلىق ساقتاۋ ۇيىمىندا تٸركەۋ جۇمىستارى سەتتٸ ٶتسە, ەكپەنٸڭ وسى تٷرٸن العاندار دا قاجىلىققا بارا الاتىنىن ەسكە سالدى.
«ٶزٸمٸزدٸڭ QazVac بويىنشا ايتساق, قازٸر دٷنيەجٷزٸلٸك دەنساۋلىق ساقتاۋ ۇيىمىندا تٸركەلۋ ساتىسىنان ٶتٸپ جاتقانىمىزدى بٸلەسٸزدەر. ۆاكتسينا سول جاقتا تٸركەۋدەن ٶتكەن بويدا, ٶزگە نارىقتارعا دا جولى اشىلادى. ٶزدەرٸڭٸز بٸلەسٸزدەر, قازاقستان ٶز ۆاكتسيناسىن كلينيكالىق اينالىمعا ٸس جٷزٸندە شىعارعان التىنشى مەملەكەت. ونى تٷگەل ٶز كٷشٸمٸزبەن جاسادىق. دٷنيەجٷزٸلٸك دەنساۋلىق ساقتاۋ ۇيىمىندا تٸركەلگەن كٶپتەگەن ەلدەردە, ترانسۇلتتىق كومپانييالاردا مۇنداي تٸركەۋ پروتسەدۋرالارى جىلدار بويىندا قالىپتاسىپ قويعان. وعان ارنالعان ارنايى قىزمەتتەرٸ دە بار. ال بٸزدە جاڭادان سونداي جٷيە ورناتىلىپ جاتىر. بٸز حالىقارالىق قاۋىمداستىقتارمەن ينتەگراتسييالانىپ جاتىرمىز. تٸركەلۋدٸڭ الگوريتمدەرٸن پىسىقتاپ, قۇجاتتاردى قالىپتاپ جاتىرمىز. ياعني ٷلكەن كەزەڭ دەۋگە بولادى. بۇل - قازاقستان ٷشٸن جاڭا جول. بٸراق بٸر جاعىنان سەرپٸلٸس دەۋگە بولادى. سوندىقتان, تٸركەلگەن بويدا بٷكٸل ەلەم بويىنشا قولجەتٸمدٸ بولادى», - دەدٸ الەكسەي تسوي.
