QR Densaýlyq saqtaý ministri Aleksei Tsoi vaktsina alǵan qazaqstandyqtardyń qajalyqqa barý múmkindigi týraly pikir bildirdi, dep habarlaidy QazAqparat.
«Jalpy alǵanda, qajylyqqa barý úshin ár el óz talabyn qoiady. Qazir bizde Sinofarm kompaniiasynyń vaktsinasy bar. Dúniejúzilik densaýlyq saqtaý uiymy ony akkredittedi. Iaǵni, eger qajylyqqa qabyldaýshy el DDU-da tirkelgen vaktsinanyń bolýyn talap etse, ondai vaktsina bizde bar degen sóz. Sony qabyldap, qajylyqqa shyǵa berýge bolady», - dedi ministr.
Vedomstvo basshysy qazaqstandyq QazVac vaktsinasyn Dúniejúzilik densaýlyq saqtaý uiymynda tirkeý jumystary sátti ótse, ekpeniń osy túrin alǵandar da qajylyqqa bara alatynyn eske saldy.
«Ózimizdiń QazVac boiynsha aitsaq, qazir Dúniejúzilik densaýlyq saqtaý uiymynda tirkelý satysynan ótip jatqanymyzdy bilesizder. Vaktsina sol jaqta tirkeýden ótken boida, ózge naryqtarǵa da joly ashylady. Ózderińiz bilesizder, Qazaqstan óz vaktsinasyn klinikalyq ainalymǵa is júzinde shyǵarǵan altynshy memleket. Ony túgel óz kúshimizben jasadyq. Dúniejúzilik densaýlyq saqtaý uiymynda tirkelgen kóptegen elderde, transulttyq kompaniialarda mundai tirkeý protsedýralary jyldar boiynda qalyptasyp qoiǵan. Oǵan arnalǵan arnaiy qyzmetteri de bar. Al bizde jańadan sondai júie ornatylyp jatyr. Biz halyqaralyq qaýymdastyqtarmen integratsiialanyp jatyrmyz. Tirkelýdiń algoritmderin pysyqtap, qujattardy qalyptap jatyrmyz. Iaǵni úlken kezeń deýge bolady. Bul - Qazaqstan úshin jańa jol. Biraq bir jaǵynan serpilis deýge bolady. Sondyqtan, tirkelgen boida búkil álem boiynsha qoljetimdi bolady», - dedi Aleksei Tsoi.
