اقتاۋدا «قازازوت» كەسٸپورنىنداعى كٷردەلٸ مينەرالدى تىڭايتقىشتار ٶندٸرۋ تسەحىنىڭ شاتىرى ورتاسىنا وپىرىلىپ قۇلادى. بۇل تۋرالى كەسٸپورىننىڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات.
«وقيعا 24 شٸلدە كٷنٸ ساعات 05:20 شاماسىندا بولدى. عيمارات شاتىرىنىڭ ٸشٸنارا وپىرىلۋى قولايسىز مەتەوجاعدايلار سالدارىنان ورىن العان. ٶيتكەنٸ سوڭعى ەكٸ اپتادا ٶڭٸردە انومالدى تەمپەراتۋرا بولدى. سونداي-اق وقيعا بولعان كٷنٸ نايزاعاي ويناپ, نٶسەر جاۋىن جاۋعان ەدٸ.
تەحنولوگييالىق جابدىقتار زارداپ شەككەن جوق. وقيعا ورنىن «جالىن» ٶرت سٶندٸرۋشٸ» جشس-نىڭ اۆارييالىق-قۇتقارۋ قىزمەتٸ تەكسەردٸ. ايماق قورشالدى. كەسٸپورىن قىزمەتكەرلەرٸ مەن حالىقتىڭ دەنساۋلىعىنا قاۋٸپ جوق», - دەلٸنگەن اقپاراتتا.
وقيعا ورىن العان ايماق تولىقتاي قورشالعان. قازا تاپقاندار مەن زارداپ شەككەندەر جوق.
