جول ساپاسىنا قاتىستى تۇرعىنداردىڭ شاعىمىنان كەيٸن «قازاۆتوجول» ۇك» اق تٷركٸستان وبلىستىق فيليالىنىڭ ديرەكتورى جۇمىسىنان بوساتىلدى. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸ اۆتوموبيل جولدارى كوميتەتٸنەن مەلٸم ەتتٸ, دەپ حابارلايدى قازاقپارات.
«ەل تۇرعىندارىنان بولعان سىنعا بايلانىستى «قازاۆتوجول» ۇك» اق تٷركٸستان وبلىستىق فيليالىنىڭ ديرەكتورىن قىزمەتٸنەن بوساتۋ تۋرالى شەشٸم قابىلداندى. قوعام تٶراعاسىنىڭ ورىنباسارىنا قاتاڭ سٶگٸس جارييالاندى.
سونىمەن قاتار جولداردى كٷتٸپ ۇستاۋ ساپاسىن تيٸسٸنشە باقىلاماعانى ٷشٸن «جول اكتيۆتەرٸنٸڭ ۇلتتىق ساپا ورتالىعى» شارۋاشىلىق جٷرگٸزۋ قۇقىعىنداعى» رەسپۋبليكالىق مەملەكەتتٸك كەسٸپورنىنىڭ ٶڭٸرلٸك فيليال باسشىسىنا قاتىستى تەرتٸپتٸك سيپاتتاعى شارالار قابىلداندى», - دەلٸنگەن ۇسىنىلعان حابارلامادا.
مەلٸم ەتٸلگەندەي, قازٸرگٸ ۋاقىتتا بەتون پليتالارىنىڭ كٶتەرٸلۋٸن توقتاتۋ بويىنشا شارالار قابىلداندى. سونداي-اق ميكروسيۋرفەيسينگ تٶسەۋ جۇمىستارىن ۋاقىتشا توقتاتۋ شەشٸمٸ قابىلداندى. بۇدان بٶلەك, تسەمەنت-بەتون پليتالارىنىڭ اراسىن كەڭەيتەتٸن تەمپەراتۋرالىق تٸگٸستەر كٷندەلٸكتٸ تەكسەرٸلەتٸن بولدى.
«ايتا كەتۋ كەرەك, اتالعان مەسەلە قر ييدم اۆتوموبيل جولدارى كوميتەتٸنٸڭ ەرەكشە باقىلاۋىندا. پليتالاردىڭ ٶزگەرگەن ورىندارىندا تالداۋ جٷرگٸزٸلدٸ. سونىڭ نەگٸزٸندە تيٸستٸ بۇيرىقتار بەرٸلدٸ. بۇل ٸس-شارالاردىڭ باستى ماقساتى – مۇنداي فاكتٸلەردٸڭ قايتالانۋىنا جول بەرمەۋ», - دەلٸنگەن مينيسترلٸكتٸڭ باسپاسٶز مەلٸمەتٸندە.
ەسكە سالايىق, بيىلعى 8 ماۋسىمدا «سامارا – شىمكەنت» تاسجولىنىڭ «قىزىلوردا – شىمكەنت» اقىلى ۋچاسكەسٸندە تسەمەنت-بەتون پليتاسى كٶتەرٸلٸپ كەتكەن بولاتىن. جول ورتاسىنداعى ٷلكەن پليتالار اجىراپ, كٶلٸكتەردٸڭ جٷرۋٸنە كەدەرگٸ تۋدىردى.
كەيٸن, رەسپۋبليكالىق ماڭىزى بار م-32 «سامارا-شىمكەنت» اۆتوجولىنىڭ تٷركٸستان قالاسى تەمٸرلان اۋدانى ماڭىنداعى بٶلٸگٸندە تسەمەنت-بەتون پليتاسى تاعى كٶتەرٸلدٸ.
