«قازاتومٶنەركەسٸپ» ۇلتتىق كومپانيياسىنىڭ باسقارما تٶراعاسى مەجيت شەرٸپوۆ 2021 جىلدىڭ نەگٸزگٸ كٶرسەتكٸشتەرٸن باياندادى, دەپ حابارلايدى قازاقپارات.
«قازٸرگٸ قۇبىلمالى جاعدايعا قاراماستان 2021 جىلى قازاتومٶنەركەسٸپ جاقسى نەتيجە كٶرسەتتٸ. 2021 جىلى شوعىرلاندىرىلعان تٷسٸم 2020 جىلمەن سالىستىرعاندا 18%-عا ۇلعايىپ, 691 ملرد تەڭگەنٸ قۇرادى. بۇل نەگٸزٸنەن سپوت باعاسىنىڭ ٶسۋٸنە جەنە تەڭگەنٸڭ اقش دوللارىنا قاتىستى ەلسٸرەۋٸنە بايلانىستى ساتۋدىڭ ورتاشا باعاسىنىڭ ٶسۋٸ ەسەبٸنەن جەنە ٶتكەن جىلمەن سالىستىرعاندا ساتۋ كٶلەمٸنٸڭ ازداپ ۇلعايۋىنا بايلانىستى بولدى», - دەدٸ شەرٸپوۆ كومپانييانىڭ 2021 جىلعى جۇمىس قورىتىندىلارى تۋرالى باسپاسٶز مەسليحاتىندا.
ونىڭ ايتۋىنشا, 2021 جىلى تازا پايدا 2020 جىلمەن سالىستىرعاندا 10%-عا ۇلعايىپ, 220 ملرد تەڭگەنٸ قۇراعان.
ۋران ٶندٸرٸسٸنٸڭ كٶلەمٸ ٶتكەن جىلمەن سالىستىرعاندا 12%-عا ۇلعايىپ, 100 پايىزدىق نەگٸزدە 21 819 تونناعا جەتكەن.
2021 جىلى پاندەمييا بٷكٸل ٶندٸرٸس تٸزبەگٸنە ەسەر ەتٸپ, بۇل نەگٸزگٸ ماتەريالدار مەن جابدىقتاردىڭ جەتٸسپەۋٸنە ەكەپ سوقتى.
سونداي-اق كەن ورىندارىن يگەرۋ مەن ٶندٸرۋ كەستەلەرٸنە تيگەن تەرٸس ەسەردەن 2021 جىلعا ارنالعان بولجامدارعا قاتىستى كٶرسەتكٸشتەر تٶمەندەگەن.
«2021 جىلى شوعىرلاندىرىلعان ساتۋ كٶلەمٸ 2020 جىلعى كٶلەمگە ۇقساس بولدى. ۋراننىڭ سپوتتىق باعاسىنىڭ ٶسۋٸ جەنە تەڭگەنٸڭ اقش دوللارىنا قاتىستى ەلسٸرەۋٸ ارقىلى توپتىڭ ورتاشا ساتۋ باعاسى 2021 جىلى 1 كيلوگرامم ٷشٸن 36 677 تەڭگەنٸ (بٸر فۋنت ٷشٸن 33,11 اقش دوللارىن) قۇرادى, بۇل 2020 جىلمەن سالىستىرعاندا 16%-عا جوعارى», - دەدٸ شەرٸپوۆ.
