نۇرسۇلتان نازارباەۆ قورى جانىنداعى مەملەكەتتٸك تٸلدٸ دامىتۋ قورى قر تۇڭعىش پرەزيدەنتٸ – ەلباسى مۋزەيٸندە «ۇلى دالانىڭ اڭىزدارى» توپتاماسىمەن شىققان جاڭا كوميكستەردٸڭ تۇساۋكەسەرٸن ٶتكٸزدٸ, حابارلايدى قازاقپارات تٸلشٸسٸ.
«ەڭلٸك-كەبەك», «ەستاي-قورلان», «قوزى كٶرپەش–بايان سۇلۋ», «جۇمباقتاس», «ايشا بيبٸ», «شايتانكٶل», «بالقاش».
«ۇلى دالانىڭ اڭىزدارى» دەگەن اتپەن شىعارىلعان قازاق كوميكستەرٸنٸڭ جاڭا توپتاماسىنا قازاق اۋىز ەدەبيەتٸنٸڭ وسىنداي تۋىندىلارى ەنٸپتٸ.
ۇيىمداستىرۋشىلار كوميكستەر جەلٸسٸمەن تٷسٸرٸلگەن كٶركەم فوتوسۋرەتتەر كٶرمەسٸن دە ۇسىندى.
«جوبا ەلباسىنىڭ «ۇلى دالانىڭ جەتٸ قىرى» اتتى باعدارلامالىق ماقالاسىن ٸسكە اسىرۋ اياسىندا قولعا الىنعان. بۇل جولعى توپتاماعا قازاق دالاسىنداعى جەتٸ ليرو-ەپوستىق جىر مەن باتىرلار تۋرالى اڭىزداردى ٶزەك ەتٸپ الدىق. ونداعى ماقساتىمىز –قازاقتىڭ تٶل فولكلورىن جاس بۋىنعا زاماناۋي تەسٸلدەرمەن مەڭگەرتۋ. مىسالى, «قوزى كٶرپەش – بايان سۇلۋ» ەپوسىنىڭ 89 بەتكە سوزىلاتىن نۇسقاسى بار. ونى قازٸرگٸ بلالار وقىپ وتىرمايتىنى تٷسٸنٸكتٸ. سونى بٸزدٸڭ جاس اقىن-جازۋشىلار قىسقاشا مازمۇناپ, ەڭ نەگٸزٸ تۇستارىنان ديالوگتار قۇراپ, كوميكسكە يكەمدەپ جازىپ شىعادى. سۋرەتشٸلەر سونىڭ جەلٸسٸمەن كوميكس سالادى. ەزٸرگە كوميكس ستسەناريٸن دوسقان جىلقىباەۆ دەگەن جٸگٸت جازىپ جٷر. ال سۋرەتتەرٸن ەۋەلدٸ مۇرات دٸلمانوۆ سالىپ باستاعان. قازٸر وعان ەكٸ جاس سۋرەتشٸ قوسىلدى», - دەيدٸ نۇرسۇلتان نازارباەۆ قورى جانىنداعى مەملەكەتتٸك تٸلدٸ دامىتۋ قورىنىڭ ديرەكتورى ازات شەۋەەۆ.
سونداي-اق, ول بٸر ەرتەگٸنٸڭ كوميكسٸ بٸردەن ٷش تٸلدە بەرٸلگەنٸن ايتتى.
«ۇلى دالانى ۇلى ماحابباتى» دەگەن توپتامامەن قازاق فولكلورىندا كەڭ تاراعان جەتٸ عاشىقتىڭ جىرىن, «ۇلى دالانىڭ باتىرلارى» دەگەن توپتامامەن ەر تٶستٸك پەن الپامىستان باستاپ, كەنەسارىمەن تٷيٸندەلەتٸن 7 باتىردى بەردٸك. باتىرلار توپتاماسىن بەرتٸنگٸ باتىرلارعا دەيٸن تٷگەل قامتىماقپىز. ودان كەيٸن «ۇلى دالا حاندارى» جەنە «ۇلى دالانىڭ ارۋلارى» دەگەن توپتامالاردى جوسپارلاپ وتىرمىز. وندا توميريس پەن زارينادان باستاپ ەلييا, مەنشٷكتەرگە دەيٸنگٸ تۇلعالار قامتىلادى», - دەيدٸ مەملەكەتتٸك تٸلدٸ دامىتۋ قورىنىڭ ديرەكتورى.
كوميكستٸڭ ەلەكتروندى نۇسقاسى ارنايى سايتتا تەگٸن ۇسىنىلعانىمەن, ٷش تٸلدەگٸ جيناق كٸتابى ساتىلىمعا شىعارىلادى.
«بٷگٸن تۇساۋى كەسٸلسە, ەرتەڭنەن باستاپ كٸتاپ دٷكەندەرٸنە تٷسەدٸ. شامامىز كەلگەنشە بالالار كٸتاپحانالارىنا تاراتامىز. بۇل كوميكستەردٸڭ كٶبٸ قازاقستاننىڭ كيەلٸ جەرلەرٸمەن بايلانىستى. بٸر جاعىنان وسى كيەلٸ جەرلەردٸ ناسيحاتتاۋ ٷشٸن كوميكستەر جەلٸسٸمەن اياگٶز, جۇمباقتاس, بالقاش سيياقتى كيەلٸ ورىندارعا ارنايى بارىپ, كٶركەم فوتوسۋرەتتەر تٷسٸرٸپ قايتتىق. جوبانى نۇرسۇلتان نازارباەۆ قورى قارجىلاندىرىپ وتىر. الداعى توپتامالاردى وسى كوميكستەردٸ ساتۋدان تٷسكەن اقشامەن شىعارساق دەگەن وي بار. سوندىقتان دا كٸتاپحانالارعا جاپپاي تەگٸن تاراتا المايمىز. تٸپتٸ قىزىققان ادام بولسا, Qazcomics.kz سايتىنا كٸرٸپ, تەگٸن تاماشالاي الادى», - دەيدٸ ازات شەۋەەۆ.
