ٶزبەكستاندا ٶتەتٸن الداعى كٶكپاردان ەلەم چەمپيوناتىندا قازاندىقتىڭ ورنىنا شەڭبەر پايدالانىلاتىن بولسا, قىرعىزستان قۇراماسى وعان قاتىسۋدان باس تارتادى, دەپ مەلٸمدەدٸ ەلدەگٸ كٶكپار فەدەراتسيياسىنىڭ پرەزيدەنتٸ جىرعالبەك ساماتوۆ. بۇل تۋرالى Sputnik قىرعىزستان جازدى.
ەستەرٸڭٸزگە سالا كەتەيٸك, ٶتكەن اپتادا استانادا بٷكٸلەلەمدٸك كٶكپار قاۋىمداستىعىنىڭ كەڭەسٸندە كٶكپاردىڭ حالىقارالىق ەرەجەسٸ بەكٸتٸلگەن بولاتىن. جاڭا ەرەجە بويىنشا ەندٸ قازاندىقتىڭ ورنىنا شەڭبەر پايدالانىلادى. سونداي-اق حالىقارالىق جانۋارلار ەلەمٸن قورعاۋ ۇيىمدارىنىڭ قاعيدالارىنا قايشى كەلمەۋ ٷشٸن سەركەمەن ەمەس, مۋلياجبەن ويناۋعا شەشٸم قابىلداندى. الايدا ايىرقالپاقتى اعايىندار ەرەجە قازاقستاننىڭ ىقپالىمەن بەكٸتٸلٸپ كەتتٸ دەپ ويلايتىن سەكٸلدٸ. قىرعىزدار شەڭبەرمەن ويناۋعا ٷزٸلدٸ-كەسٸلدٸ قارسى بولىپ وتىر.
"بٷكٸل ەلەم كٶك بٶرٸگە (كٶكپار – اگەنتتٸك ەسكەرت.) قىزىعۋشىلىق تانىتىپ وتىر. قٶشپەندٸلەر ويىندارىن 1,3 ميلليارد ادام تاماشالاپ جٷر, ولاردىڭ 90 پروتسەنتٸنە كٶك بٶرٸ ۇنادى. بٸزدٸڭ كٶرشٸمٸز مۇنى قىزعانىشتان جاساپ وتىر, ولار ەلەمگە ٶز ويىندارىن كٶرسەتۋدٸ قالايدى. قازاقتار – باۋىرلاس حالىق, بٸز ولاردى قولدايمىز, بٸراق بۇل جەردە ولار ارتىق كەتتٸ. بٸز تايقازاننان باس تارتپايمىز", - دەدٸ ساماتوۆ.
جاستار ٸسٸ, دەنە شىنىقتىرۋ جەنە سپورت جٶنٸندەگٸ مەملەكەتتٸك اگەنتتٸكتٸڭ ديرەكتورى قانات امانقۇلوۆ قاۋٸپسٸزدٸك ٷشٸن تايقازاننان باس تارتتىق دەگەندەرٸ جاي عانا سىلتاۋ دەيدٸ.
"بٸز تايقازاندى قاۋٸپسٸز ەتٸپ جاسادىق. جالپى, سپورتتىڭ بارلىق تٷرٸندە تەۋەكەل بار. مىسالى, حوككەيدە ويىنشىلار بٷيٸرگە جيٸ سوعىلادى", — دەپ مەلٸمدەدٸ امانقۇلوۆ.
ونىڭ ايتۋىنشا, قىرعىزستاندا ٶزبەكستانداعى چەمپيوناتتى ٶتكٸزۋگە ارنالعان تايقازان جاسالىپ جاتىر.
جىرعالبەك ساماتوۆ تايقازاننان باس تارتۋ يدەياسىن تەك 5-10 ادام قولپاشتاپ وتىرعانىن, ال قالعاندارى بۇعان مٷدەللٸ ەمەس ەكەنٸن ايتىپ ٶتتٸ.
ايتا كەتسەك, قازاقستان قۇراماسى بىلتىر دٷنيەجٷزٸلٸك كٶشپەندٸلەر ويىندارىندا جارتىلاي فينالدا ٶزبەكتەردەن جەڭٸلدٸ. وسىدان كەيٸن ۇلتتىق قۇراماعا قىرعىزداردان قورقىپ, ەدەيٸ جەڭٸلدٸ دەگەن سىن ايتىلدى. قازاقستاننىڭ كٶكپار فەدەراتسيياسى تٷسٸندٸرگەندەي, كٶشپەندٸلەر ويىندارىنا تەجٸريبە جيناۋ ٷشٸن جاس كٶكپارشىلار جٸبەرٸلگەن. قازاقستان كٶشپەندٸلەر ويىندارىندا جالپى ەسەپتە 3-ورىن العان ەدٸ.
