قازاقستاننىڭ جاڭا ماماندىقتار اتلاسى كٷزدە دايىن بولادى. بۇل تۋرالى ۇلتتىق قوعامدىق سەنٸم كەڭەسٸنٸڭ 3-وتىرىسىندا BTSDigital بٸلٸم بەرۋ جوبالارىنىڭ جەتەكشٸسٸ ساياسات نۇربەك ايتتى, دەپ حابارلايدى قازاقپارات.
«ورتا مەكتەپتەردە ماماندىققا باعىت-باعدارعا قاتىستى ورتاق كٶزقاراستىڭ جوق ەكەندٸگٸن مويىنداۋىمىز قاجەت. قاسىم-جومارت كەمەلۇلى, سٸزدٸڭ تاپسىرماڭىزبەن ەزٸرلەنٸپ جاتقان جاڭا ماماندىقتار اتلاسى قىركٷيەك ايىندا تولىق دايىن بولادى. ونى مەكتەپتەردە ماماندىققا باعدارلاۋعا الىپ, كەشەندٸ جٷيەگە اينالدىرۋ قاجەت», - دەدٸ ساياسات نۇربەك.
سونىمەن قاتار ول كەسٸپتٸك بٸلٸم بەرەتٸن ۇيىمدارعا اكادەمييالىق ەركٸندٸك بەرۋ قاجەتتٸگٸن باسا ايتتى.
«قازٸرگٸ ۋاقىتتا ولار قانداي دا بٸر ٸشكٸ وقۋ جوسپارىن 50 پايىزعا دەيٸن رەتتەي الادى. بٸراق, ولارعا ٶڭٸرلٸك ەرەكشەلٸكتەردٸ, ناقتى كەسٸپورىن قاجەتتٸلٸگٸن ەسكەرە وتىرىپ, تولىققاندى اكادەمييالىق ەركٸندٸك بەرۋ قاجەت. كەسٸپتٸك-تەحنيكالىق بٸلٸم بەرەتٸن ۇيىمدار ٶزدەرٸنٸڭ وقۋ باعدارلامالارىن رەتتەي الۋلارى قاجەت. ەكٸنشٸدەن, كوللەدج ستۋدەنتتەرٸ بٸر ماماندىق اياسىندا بٸرنەشە بٸلٸكتٸلٸك الا الۋلارى جەنە ەڭبەك نارىعىنداعى ٶزگەرٸسكە ۇشىراپ جاتقان قاجەتتٸلٸكتەرگە بارىنشا تەز بەيٸمدەلۋٸ ٷشٸن ماماندىقتى ليتسەنزييالاۋ كەرەك», - دەدٸ BTSDigital بٸلٸم بەرۋ جوبالارىنىڭ جەتەكشٸسٸ.
ساياسات نۇربەك كەسٸپتٸك بٸلٸم بەرۋ ەلەۋەتٸن انىقتاۋعا مٷمكٸندٸك بەرەتٸن WorldSkills باعدارلاماسىن ەنگٸزۋ ماڭىزدىلىعىن ايتا كەلە قر پرەزيدەنتٸ قاسىم-جومارت توقاەۆقا اتالعان قوزعالىستى باسقارۋدى ۇسىندى.
