قازاقستان رەسپۋبليكاسىنىڭ سىرتقى ٸستەر مينيسترٸ بەيبٸت اتامقۇلوۆ قىتاي حالىق رەسپۋبليكاسىنا رەسمي ساپارمەن كەلدٸ. ساپار بارىسىندا سىرتقى ساياسي ۆەدومستۆو باسشىسى قحر مەملەكەتتٸك كەڭەسٸنٸڭ مٷشەسٸ, سىرتقى ٸستەر مينيسترٸ ۆان يمەن ەكٸ جاقتى كەلٸسسٶز جٷرگٸزدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
تاراپتار قازاقستان-قىتاي اراسىنداعى ساياسي, ساۋدا-ەكونوميكالىق جەنە مەدەني-گۋمانيتارلىق سالالارداعى ىنتىماقتاستىعىن ودان ەرٸ دامىتۋدىڭ ٶزەكتٸ مەسەلەلەرٸن تالقىلادى جەنە حالىقارالىق كٷن تەرتٸبٸندەگٸ مەسەلەلەردٸڭ كەڭ اۋقىمى بويىنشا پٸكٸر الماستى.
قازاقستانداعى ٸشكٸ ساياسي ٶزگەرٸستەر اياسىندا ب.اتامقۇلوۆ قىتاي تاراپىنا ەلدٸڭ سىرتقى ساياساتىنىڭ ٶزگەرمەيتٸندٸگٸ جەنە حالىقارالىق مٸندەتتەمەلەرٸن ورىنداۋ تۋرالى حاباردار ەتتٸ.
«بٸز جان-جاقتى ستراتەگييالىق سەرٸكتەستٸكتٸڭ جاڭا كەزەڭٸنٸڭ قارىم-قاتىناستارىن نىعايتۋعا جەنە تەرەڭدەتۋگە دەگەن مٸندەتتەمەلەرٸمٸزدٸ راستايمىز», - دەدٸ قر سٸم باسشىسى.
سونىمەن بٸرگە ول «قازاقستان مەن قىتاي اراسىنداعى قارىم-قاتىناس - ٶزارا ۇتىمدى جەنە تيٸمدٸ ىنتىماقتاستىقتىڭ ٷلگٸسٸ» دەپ اتاپ ٶتتٸ.
ٶز كەزەگٸندە, قىتاي تاراپى قازاقستان رەسپۋبليكاسىنىڭ تۇڭعىش پرەزيدەنتٸ - ەلباسى نۇرسۇلتان نازارباەۆتىڭ قازاقستان-قىتاي جان-جاقتى ستراتەگييالىق سەرٸكتەستٸگٸن ورناتۋداعى, «بەلدەۋ جەنە جول» باستاماسىن بٸرلەسٸپ قۇرۋداعى ىنتىماقتاستىقتى تەرەڭدەتۋ بويىنشا تاريحي رٶلٸن جوعارى باعالادى.
كەلٸسسٶزدەر بارىسىندا ەكٸ ەل اراسىنداعى ٶڭٸرارالىق جەنە شەكارا ماڭىنداعى سەرٸكتەستٸك فورماتتارىندا, سونداي-اق ٶنەركەسٸپتٸك جەنە ينۆەستيتسييالىق سالادا, ەكونوميكانى تسيفرلاندىرۋ جەنە تەحنولوگييالىق جاڭعىرتۋ سالادا پراكتيكالىق ىنتىماقتاستىققا ەرەكشە نازار اۋدارىلدى. «جٸبەك جولىنىڭ ەكونوميكالىق بەلدەۋٸ» باستاماسىن «نۇرلى جول» جاڭا ەكونوميكالىق ساياساتىمەن جەنە ەۋرازييالىق ەكونوميكالىق وداقتىڭ ينتەگراتسييالىق باعدارلامالارىمەن تيٸمدٸ ۇشتاستىرۋعا ٷلكەن نازار اۋدارىلادى.
سونىمەن قاتار, قازاقستان مەن قحر سىرتقى ساياسي ۆەدومستۆولارىنىڭ باسشىلارى بۇۇ, شانحاي ىنتىماقتاستىق ۇيىمى, ازيياداعى ٶزارا ىقپالداستىق جەنە سەنٸم شارالارى كەڭەسٸ جەنە ت.ب. حالىقارالىق ۇيىمدار جەنە ينتەگراتسييالىق بٸرلەستٸكتەر اياسىنداعى ىنتىماقتاستىق, ورتالىق ازيياداعى تۇراقتىلىق پەن قاۋٸپسٸزدٸكتٸ قامتاماسىز ەتۋ مەسەلەلەرٸن قاراستىرىپ, ترانسشەكارالىق سۋ رەسۋرستارىنىڭ مەسەلەلەرٸ جٶنٸندە پٸكٸر الماستى.
كەلٸسسٶز بارىسىندا قحر اۋماعىندا تۇراتىن ەتنيكالىق قازاقتاردىڭ جاعدايى سٶز بولدى. ەكٸ ەلدٸڭ سٸم اراسىنداعى جۇمىس بايلانىسى ارقىلى تۋىندايتىن مەسەلەلەردٸ شەشۋگە ٶزارا مٷددەلٸلٸك اتاپ ٶتٸلٸپ, كونسۋلدىق قىزمەتتەردٸڭ جۇمىسىن جانداندىرۋ تۋرالى ۋاعدالاستىققا قول جەتكٸزٸلدٸ.
كەلٸسسٶز قورىتىندىسى بويىنشا قازاقستان مەن قىتاي سىرتقى ساياسي ۆەدومستۆولارى اراسىندا 2020-2022 جىلدارعا ارنالعان ىنتىماقتاستىق تۋرالى مەموراندۋمعا قول قويىلدى.
سول كٷنٸ قازاقستان سٸم باسشىسى قحر كوممەرتسييا مينيسترٸ چجۋن شانمەن كەلٸسسٶزدەر جٷرگٸزٸپ, ساۋدا-ەكونوميكالىق ٶزارا ىقپالداستىق مەسەلەلەرٸن تالقىلادى. قىتاي تاراپى قر سٸم-نٸڭ ينۆەستيتسييالاردى تارتۋ جەنە ەكسپورتتى جىلجىتۋدى ٷيلەستٸرۋ جٶنٸندەگٸ مەملەكەتتٸك ساياساتتى ٸسكە اسىرۋ سالاسىنداعى جاڭا فۋنكتسييالارى مەن ٶكٸلەتتٸكتەرٸمەن تانىستى.
قىتاي - قازاقستاننىڭ ٸرٸ سىرتقى ساۋدا سەرٸكتەسٸ. سوڭعى جىلدارى ەلدەر اراسىنداعى ساۋدا كٶلەمٸ ايتارلىقتاي ارتتى. وسىعان بايلانىستى ساۋدا سالاسىن كەڭەيتۋ, ساۋدا قۇرىلىمىن وڭتايلاندىرۋ, ساۋدا اۋقىمىن ۇلعايتۋ, سونداي-اق ەكٸجاقتى ساۋداداعى جوعارى تەحنولوگييالىق ٶنٸمدەردٸڭ ٷلەسٸن ارتتىرۋ مەسەلەلەرٸن رەتتەيتٸن قازاقستان مەن قىتاي اراسىنداعى ساۋدا قاتىناستارىن جانداندىرۋ جٶنٸندەگٸ جول كارتاسىن ەزٸرلەۋ ۇسىنىلدى.
ساپار اياسىندا مينيستر ب. اتامقۇلوۆ بەيجٸڭنٸڭ ورتالىق پاركٸندەگٸ قازاقتىڭ بٸرتۋار اقىنى اباي قۇنانباەۆتىڭ ەسكەرتكٸشٸنە گٷل شوقتارىن قويىپ, قىتايلىق مٷسٸنشٸ يۋان سيكۋندٸ «قر تەۋەلسٸزدٸگٸنە 25 جىل» مەدالٸمەن ماراپاتتاۋ رەسٸمٸنە قاتىستى.
