قازاقستان دوستاس پالەستينانىڭ بارلىق بەيبٸت ۇمتىلىستارىنا جەردەمدەسەتٸن بولادى. بۇل تۋرالى استانادا پالەستينا سىرتقى ٸستەر مينيسترٸ ريياد ەل-مەلكيمەن كەزدەسۋدەن كەيٸن قر سىرتقى ٸستەر مينيسترٸ قايرات ەبدٸراحمانوۆ مەلٸم ەتتٸ, دەپ حابارلايدى قازاقپارات.
«قازاقستان پالەستينامەن ەكٸجاقتى ىنتىماقتاستىقتى دامىتۋعا اسا ٷلكەن مەن بەرەدٸ. اتالعان ىنتىماقتاستىقتىڭ نەگٸزٸن قازاقستان ٶز تەۋەلسٸزدٸگٸن جارييالاعان كەزدە 1991 جىلى پالەستينانى ازات ەتۋ ۇيىمىنىڭ, پالەستينا ۇلتتىق ەكٸمشٸلٸگٸنٸڭ كٶشباسشىسى مارقۇم يا.ارافاتتىڭ قازاقستانعا, سونداي-اق ەلباسىمىز ن.نازارباەۆتىڭ 1995 جىلى پالەستيناعا بارعان ساپارلارىندا قالادى. بيىل ەكٸ ەل اراسىندا ديپلوماتييالىق قارىم-قاتىناستاردىڭ ورناتىلعانىنا 26 جىل تولدى. وسى ۋاقىت ٸشٸندە ەلدەرٸمٸز اراسىنداعى ەكٸجاقتى قارىم-قاتىناستارمەن بٸرگە, بۇۇ, يىۇ جەنە باسقا دا حالىقارالىق ۇيىمدار اياسىندا كٶپجاقتى ىنتىماقتاستىعىمىز دامي تٷستٸ», - دەپ توقتالدى ق. ەبدٸراحمانوۆ.
سونىمەن قاتار مينيستر پالەستينا حالىقارالىق ۇيىمدار شەڭبەرٸندە قازاقستاننىڭ نەگٸزگٸ حالىقارالىق باستامالارىن تۇراقتى تٷردە قولداپ كەلە جاتقانىن اتاپ ٶتتٸ.
«قازاقستان رەسپۋبليكاسى پالەستينا پروبلەماسىنىڭ رەتتەلۋٸ تاياۋ شىعىس ٶڭٸرٸندە ۇزاق مەرزٸمدٸ بەيبٸتشٸلٸك پەن تۇراقتىلىقتى ورناتۋدىڭ نەگٸزگٸ شارتى بولىپ تابىلاتىنىنا سەنٸم ارتا وتىرىپ, پالەستينانى تەۋەلسٸز مەملەكەت رەتٸندە مويىنداپ, حالىقارالىق قاۋىمداسىقتىڭ تولىققاندى مٷشەسٸ بولۋىن دەيەكتٸ تٷردە جاقتايدى. قازاقستاننىڭ اتالعان مەسەلەگە وراي ۇستانىمى ٶزگەرٸسسٸز قالادى.پالەستيندٸك-يزرايلدٸك جانجالدىڭ شەشٸمٸ 1967 جىلعى شەكارالاردا استاناسى شىعىس يەرۋساليم بولىپ تابىلاتىن پالەستينا مەملەكەتٸنٸڭ قۇرىلۋىن كٶزدەيتٸن «ەكٸ حالىققا ەكٸ مەملەكەت» قاعيداسى بويىنشا ٸسكە اسۋى تيٸس. تٷرلٸ قيىندىقتارعا قاراماستان, كەلٸسسٶزدەر پروتسەسٸ ەرٸ قاراي جالعاسۋى كەرەك», - دەپ ناقتىلادى قر سٸم باسشىسى.
ونىڭ سٶزٸنە قاراعاندا, قازاقستان بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە تاياۋ شىعىستا بەيبٸتشٸلٸكتٸ ورناتۋدىڭ اجىراماس شارتى بولىپ تابىلاتىن ٶڭٸردەگٸ تۇراقتىلىقتى قالپىنا كەلتٸرۋ پروتسەسٸنە تولىق قولداۋىن كٶرسەتۋدٸ جالعاستىرادى. سونداي-اق دوستاس پالەستينانىڭ بارلىق بەيبٸت ۇمتىلىستارىن ەردايىم قولداپ, بارىنشا جەردەمدەسەتٸن بولادى.
بۇدان بۇرىن حابارلانعانداي, پالەستينا مەملەكەتٸنٸڭ سىرتقى ٸستەر جەنە ەكسپاتريانتتار مينيسترٸ ريياد ەل-مەلكينٸڭ قازاقستان رەسپۋبليكاسىنا ساپارى اياسىندا ەكٸ قۇجاتقا قول قويىلدى.
