سوڭعى بەس جىلدا قازاقستاننىڭ مەملەكەتتٸك قارىزى تٶرت ەسە ٶستٸ. Finprom.kz ساراپشىلارى وسىنداي تۇجىرىمعا كەلدٸ, دەپ جازادى Sputnik.
بٷگٸنگٸ كٷنٸ قازاقستاننىڭ مەملەكەتتٸك قارىزى 14,8 تريلليون تەڭگەگە (شامامەن 42 ميلليارد دوللار) تەڭ, دەپ جازىلعان بيزنەس جەنە قارجى سايتىندا. ٶتكەن جىلى جيىنتىق مەملەكەتتٸك قارىز 21,9% —عا از بولعان.
قازاقستاننىڭ مەملەكەتتٸك قارىزى دەگەنٸمٸز نە?
ەلدٸڭ جالپى مەملەكەتتٸك قارىزى ٷش كومپونەنتتەن تۇرادى:
- مەملەكەتتٸك قارىز – 14,2 تريلليون تەڭگە (39 ميلليارد دوللار)
- مەملەكەت كەپٸلدەندٸرگەن قارىز – 523 ميلليارد تەڭگە (1,5 ميلليارد دوللار)
- مەملەكەتتٸك كەپٸلدٸكتەر بويىنشا ٸشكٸ قارىز – 37,8 ميلليارد تەڭگە (105 ميلليون دوللار)
ساراپشىلاردىڭ پٸكٸرٸنشە, قازاقستاننىڭ مەملەكەتتٸك قارىزى كٶبٸنە ٷكٸمەتتٸڭ ٸشكٸ قارىزى ەسەبٸنەن ٶستٸ. بٸر جىل ٸشٸندە ول 30,6%-عا, ياعني 4,4-تەن 5,8 تريلليون تەڭگەگە دەيٸن ارتتى.
سىرتقى قارىز 4,7%-عا نەمەسە 210 ميلليارد تەڭگەگە (585 ميلليون دوللارعا) ٶستٸ.
ورتاشا العاندا مەملەكەتتٸك قارىز كٶلەمٸ جىلدان جىلعا 28,8-عا ارتىپ كەلەدٸ, دەپ تٷيٸندەدٸ Finprom.
وسى جىلدىڭ بٸرٸنشٸ جارتىسىندا مەملەكەتتٸك بيۋدجەتتەن قارىزعا قىزمەت كٶرسەتۋ ٷشٸن 248,7 ميلليارد تەڭگە (شامامەن 700 ميلليون دوللار) بٶلٸندٸ. بۇل 2017 جىلدىڭ سەيكەس كەزەڭٸمەن سالىستىرعاندا 13,3%-عا ارتىق.
سونىمەن قاتار بارلىق باعىت بويىنشا مەملەكەتتٸك بيۋدجەتتٸڭ جالپى شىعىنى 9,6% نەمەسە 449,1 ميلليارد تەڭگەگە (1,2 ميلليارد اقش دوللارى) كٶبەيدٸ.
