قازاقستان شەكاراسىن زاڭسىز كەسٸپ ٶتكەن قىتاي ازاماتى ۇستالدى, دەپ حابارلايدى Sputnik.
ٶتكەن تٷنٸ قازاقستان رەسپۋبليكاسى ۇقك شەكارا قىزمەتٸنٸڭ جاركەنت شەكارا وتريادى مەن سوعان قاراستى "قورعاس", ونىمەن قاپتالداس "باسقۇنشى", "ىنتالى" زاستاۆالارى تٷننٸڭ جارىمىنا دەيٸن ۇيىقتامادى. وعان سەبەپ ساعات 23. 05-تە كەلٸپ تٷسكەن دابىل بەلگٸسٸ بولاتىن.
وقيعا ورنىنا دەرەۋ اتتانعان دابىل توبى تٸكەنەك سىمدى قورشاۋدى بۇزىپ-جارا بٸزدٸڭ ەلگە كٸرگەن بٸر ادامنىڭ ٸزٸن انىقتاپ, وعان ٸزشٸل يتتٸ سالدى. بۇل ۋاقىتتا وتريادتىڭ جەكە قۇرامى مەن قاپتالداس زاستاۆالار دا دابىل بەلگٸسٸمەن كٶتەرٸلٸپ, جولعا شىققان بولاتىن.
"ارادا بٸر جارىم ساعاتتان سەل اسقاندا, ساعات 01.42-دە وڭ قاپتالداعى "باسقۇنشى" شەكارا زاستاۆاسى باستىعىنىڭ ورىنباسارى باستاعان تٶرت شەكاراشى سارباز "روم" اتتى قىزمەتتٸك يتتٸڭ كٶمەگٸمەن ٸشكە قاراي 5200 مەترگە كٸرٸپ ٷلگەرگەن "شاقىرىلماعان قوناقتى" قۋىپ جەتٸپ, ۇستادى", — دەپ جازىلعان ۇقك شق باسپاسٶز قىزمەتٸ تاراتقان حابارلامادا.
ۇستالعان ادام حان تٸلٸندە عانا سٶيلەيدٸ. جولقاپشىعىنان 1990 جىلى تۋعان قحر ازاماتىنىڭ تٶلقۇجاتى, 3 دانا گازدى وتتىق, ازىق-تٷلٸك قورى تابىلدى. شەكارا جولاعىنداعى ٸز سول ادامعا تيەسٸلٸ ەكەندٸگٸ انىقتالعاننان كەيٸن, ساعات 03.20-دا شەكاراشىلارعا دابىلدىڭ اياقتالعانى حابارلاندى.
