قازاقستاننىڭ باس سانيتار دەرٸگەرٸ جاڭا قاۋلىعى قول قويدى, دەپ حابارلايدى "ۇلت اقپارات".
قۇجاتتا "Ashyq" جوباسىنا جاڭا قاتىسۋشىلاردى قوسۋدىڭ الگوريتمٸ, بٸر ايماقتان ەكٸنشٸ ايماققا ٶتۋ كەزٸندەگٸ كارانتيندٸك شارالاردى جەڭٸلدەتۋ مەن قاتاڭداتۋدىڭ ەرەجەلەرٸ بەكٸتٸلگەن.
"12 جاستان اسقان بالالاردىڭ كومپيۋتەرلٸك كلۋبتارعا, تسيركتەرگە, كينوتەاترلارعا, بالالاردىڭ ساۋىقتىرۋ ورتالىقتارىنا, وبلىسارالىق جەنە قالا ارالىق تۋريستٸك تاسىمالدارعا "Ashyq" قوسىمشاسىندا, ونىڭ ٸشٸندە باسقا پلاتفورمالاردا اتا-انالارىنىڭ نەمەسە زاڭدى ٶكٸلدەرٸنٸڭ رۇقساتىمەن, QR-كودتى سكانيرلەۋ كەزەندە ەرٸكتٸ تٷردە تٸركەلە وتىرىپ كٸرۋٸن قامتاماسىز ەتۋ", - دەلٸنگەن قۇجاتتا.
وسى قاۋلىعا سەيكەس "Ashyq" جوباسىنا قاتىساتىن ەلەۋمەتتٸك-ەكونوميكالىق وبەكتٸلەردٸڭ قىزمەتٸن شەكتەۋ ٶلشەمشارتتارىنا سەيكەس بارلىق وبەكتٸلەرٸنٸڭ جۇمىسىنا:
– جۇمىس كٷندەرٸ – "Ashyq" جوباسىنا قاتىسۋشى بارلىق وبەكتٸلەر ٷشٸن ساعات 00.00-گە دەيٸن, "Ashyq" جوباسىنىڭ كٶشباسشىلارى ٷشٸن – ساعات 02.00-گە دەيٸن;
– دەمالىس كٷندەرٸ – ساعات 02.00-گە دەيٸن, قىزمەتكەرلەر مەن كەلۋشٸلەردە "جاسىل مەرتەبە" بولعان جاعدايدا (ۆاكتسيناتسييا, سىناما العان كەزدەن باستاپ 7 تەۋلٸكتەن اسپايتىن تەرٸس نەتيجەسٸ بار پتر تەست, تۇراقتى مەديتسينالىق قارسى كٶرسەتٸلٸمدەرٸ بار, اۋىرىپ جازىلعان ادامدار سوڭعى 3 اي ٸشٸندە) "Ashyq" جوباسىنىڭ كٶشباسشىلارى ٷشٸن – ساعات 02.00-گە دەيٸن رۇقسات ەتٸلدٸ.
سونىمەن قاتار ينفەكتسييالىق تٶسەكتەردٸڭ تولتىرىلۋ كٶرسەتكٸشٸ 70%-تەن جوعارى تەۋەكەل دەڭگەيٸ قاۋٸپتٸ ايماقتا ەپيدەميولوگييالىق جاعداي كٷردەلەنگەن جاعدايدا ٶڭٸر "قويۋ قىزىل" ايماققا اۋىسادى جەنە شەكتەۋ شارالارى ەنگٸزٸلەدٸ. ٶڭٸر "قويۋ قىزىل" ايماقتا كەمٸندە 3 كٷن بولعان كەزدە كارانتيندٸك شارالاردى قاتاڭداتۋ قابىلدانادى.
كٷشەيتٸلگەن كارانتيندٸك شارالار "قويۋ قىزىل" ايماقتان "قىزىل" ايماققا كٶشكەننەن كەيٸن كەمٸندە 7 كٷن ساقتالادى. كارانتيندٸك شارالاردى جەڭٸلدەتۋ "قويۋ قىزىل" ايماقتان "قىزىل" ايماققا كٶشكەننەن كەيٸن 7 كٷننەن ەرتە جٷرگٸزٸلمەيتٸنٸ ايتىلعان.
قاۋلى 27 قىركٷيەكتە كٷشٸنە ەنەدٸ.
قۇجاتتىڭ تولىق مەتٸنٸمەن مىنا جەردە تانىسا الاسىز.
