Qazaqstannyń bas sanitar dárigeri jańa qaýlyǵy qol qoidy, dep habarlaidy "Ult aqparat".
Qujatta "Ashyq" jobasyna jańa qatysýshylardy qosýdyń algoritmi, bir aimaqtan ekinshi aimaqqa ótý kezindegi karantindik sharalardy jeńildetý men qatańdatýdyń erejeleri bekitilgen.
"12 jastan asqan balalardyń kompiýterlik klýbtarǵa, tsirkterge, kinoteatrlarǵa, balalardyń saýyqtyrý ortalyqtaryna, oblysaralyq jáne qala aralyq týristik tasymaldarǵa "Ashyq" qosymshasynda, onyń ishinde basqa platformalarda ata-analarynyń nemese zańdy ókilderiniń ruqsatymen, QR-kodty skanirleý kezende erikti túrde tirkele otyryp kirýin qamtamasyz etý", - delingen qujatta.
Osy qaýlyǵa sáikes "Ashyq" jobasyna qatysatyn áleýmettik-ekonomikalyq obektilerdiń qyzmetin shekteý ólshemsharttaryna sáikes barlyq obektileriniń jumysyna:
– jumys kúnderi – "Ashyq" jobasyna qatysýshy barlyq obektiler úshin saǵat 00.00-ge deiin, "Ashyq" jobasynyń kóshbasshylary úshin – saǵat 02.00-ge deiin;
– demalys kúnderi – saǵat 02.00-ge deiin, qyzmetkerler men kelýshilerde "jasyl mártebe" bolǵan jaǵdaida (vaktsinatsiia, synama alǵan kezden bastap 7 táýlikten aspaityn teris nátijesi bar PTR test, turaqty meditsinalyq qarsy kórsetilimderi bar, aýyryp jazylǵan adamdar sońǵy 3 ai ishinde) "Ashyq" jobasynyń kóshbasshylary úshin – saǵat 02.00-ge deiin ruqsat etildi.
Sonymen qatar infektsiialyq tósekterdiń toltyrylý kórsetkishi 70%-ten joǵary táýekel deńgeii qaýipti aimaqta epidemiologiialyq jaǵdai kúrdelengen jaǵdaida óńir "qoiý qyzyl" aimaqqa aýysady jáne shekteý sharalary engiziledi. Óńir "qoiý qyzyl" aimaqta keminde 3 kún bolǵan kezde karantindik sharalardy qatańdatý qabyldanady.
Kúsheitilgen karantindik sharalar "qoiý qyzyl" aimaqtan "qyzyl" aimaqqa kóshkennen keiin keminde 7 kún saqtalady. Karantindik sharalardy jeńildetý "qoiý qyzyl" aimaqtan "qyzyl" aimaqqa kóshkennen keiin 7 kúnnen erte júrgizilmeitini aitylǵan.
Qaýly 27 qyrkúiekte kúshine enedi.
Qujattyń tolyq mátinimen myna jerde tanysa alasyz.
