ۇلتتىق قاۋٸپسٸزدٸك كوميتەتٸ قىتايعا قۇرامىندا التىن كەنٸ بار ٶنٸمدەردٸ كونتراباندالىق جولمەن شىعارىپ كەلگەن قىلمىستىق توپتى ۇستادى, دەپ حابارلادى ۇقك باسپاسٶز قىزمەتٸ.
كٷدٸكتٸلەر التىندى كەندٸ اقمولا وبلىسىنىڭ ستەپنوگورسك ٶڭٸرٸندە ورنالاسقان كەن ورىنىنان زاڭسىز ٶندٸرگەن.
"شيكٸزاتتى زەرتتەپ, قايتا ٶڭدەۋگە ارنالعان جاسىرىن زەرتحانالار جويىلدى", - دەلٸنگەن حابارلامادا.
قۇرامىندا التىنى جوعارى (تونناسىنا 1 كيلوگرامعا دەيٸن) كەن ەرتٷرلٸ مينەرال (كۆارتسيت, پيريت جەنە تاعى باسقا) رەتٸندە جالعان قۇجاتپەن قازاقستاننان شىعارىلعان. قىلمىسكەرلەر اي سايىن شامامەن 100 توننا التىندى شيكٸزاتتى شەتەل اسىرعان.
"ۇقك جٷرگٸزگەن ارنايى وپەراتسييا بارىسىندا ترانسۇلتتىق ۇيىمداسقان توپ مٷشەلەرٸ ۇستالدى. ولار 250 ميلليون تەڭگە تۇراتىن 106 توننادان استام كونتراباندالىق جٷكتٸڭ كەزەكتٸ پارتيياسىن – ەكٸ ۆاگون التىندى كەندٸ شىعارۋ كەزٸندە قىلمىس ٷستٸندە قولعا تٷستٸ", - دەپ حابارلادى ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸ.
20 ماۋسىمدا الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى بارلىق 12 ايىپتالۋشىنى قر قىلمىستىق كودەسٸنٸڭ 234 (ەكونوميكالىق كونتراباندا) جەنە 264 (ترانسۇلتتىق ۇيىمداسقان توپ, ترانسۇلتتىق قىلمىستىق ۇيىم قۇرۋ, ولارعا باسشىلىق ەتۋ, سونداي-اق ولارعا قاتىسۋ) باپتارى بويىنشا كٸنەلٸ دەپ تانىپ, ۇزاق مەرزٸمگە باس بوستاندىعىنان ايىرۋعا سوتتادى. ترانسۇلتتىق ۇيىمداسقان توپتىڭ بٸر مٷشەسٸ سوت ٷكٸمٸن كٷتٸپ وتىر.
