قاراعاندى پوليتسەيلەرٸ ترانسۇلتتىق ۇيىمداسقان قىلمىستىق توپتى ەشكەرەلەدٸ, دەپ حابارلايدى "ۇلت اقپارات" قر ٸشكٸ ٸستەر مينيسترلٸگٸنە سٸلتەمە جاساپ.
«وبلىستىق پوليتسييانىڭ جەدەل-تەرگەۋ توبى ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ كٶمەگٸمەن قازاقستاننىڭ 5 وبلىسى اۋماعىندا 5 ەسٸرتكٸ زەرتحاناسىن جاساۋعا قاتىسى بار وننان استام ادامدى ۇستادى. تەرگەۋ بارىسىندا زەرتحانالاردى ۇيىمداستىرۋشىلاردىڭ بٸزدٸڭ ەلدەن تىس جەردە بولعانى جەنە قازاقستان, رەسەي, تمد-نىڭ باسقا دا ەلدەرٸ مەن الىس شەتەلدەردە پسيحوتروپتىق زاتتاردى دايىنداپ ساتاتىن ترانسۇلتتىق ۇيىمداسقان توپ قۇرعانى انىقتالدى», - دەدٸ قر ٸٸم رەسمي ٶكٸلٸ نۇردٸلدە وراز ونلاين بريفينگٸدە.
قازاقستاندا جۇمىس ٸستەيتٸن بٶلٸمشەگە باسشىلىق ەتۋ مەن ٷيلەستٸرۋ «تەلەگرامم» جەنە «سيگنال» مەسسەندجەرلەرٸمەن جٷزەگە اسىرىلعان.
«ترانسۇلتتىق ۇيىمداسقان قىلمىستىق توپ كۋراتورلارى پسيحوتروپتىق زاتتاردى شەتەلدەن بٸزدٸڭ ەلگە سۇيىق تٷردە جەتكٸزۋ ارناسىن ۇيىمداستىرعان, ول اۆتوكٶلٸك مايلارى مەن قوسالقى بٶلشەكتەر, الكوگولدٸ ٸشٸمدٸكتەر, تۇرمىستىق زاتتار, ماي رادياتورلارى مەن ٶرت سٶندٸرگٸشتەر تٷرٸندە لوگيستيكالىق فيرمالار ارقىلى جەتكٸزٸلٸپ تۇرعان», - دەدٸ رەسمي ٶكٸل.
ترانسۇلتتىق ۇيىمداسقان توپ قاتىسۋشىلارىنان جالپى سانى 70 كيلوگرامنان استام قۇرعاق جەنە سۇيىق تٷرٸندە الىنعان دايىن سينتەتيكالىق ەسٸرتكٸ جەنە 3,5 توننادان استام پرەكۋرسورلار تەركٸلەنگەن.
