قارجىلىق مونيتورينگ اگەنتتٸگٸنٸڭ قىزمەتكەرلەرٸ الماتى, شىمكەنت, اقتٶبە, پاۆلودار جەنە تاراز قالالارىندا جالعان ۆاكتسينا پاسپورتىن ساتقانداردى انىقتادى, دەپ حابارلايدى "ۇلت اقپارات".
اگەنتتٸكتٸڭ حابارلاۋىنشا, جالعان ۆاكتسيناتسييا پاسپورتتارىن 5 000-نان 30 000 تەڭگەگە ارالىعىندا ساتقان.
اتالعان فاكتٸلەر بويىنشا قىلمىستىق كودەكستٸڭ 385-بابىندا كٶزدەلگەن قىلمىستىق قۇقىق بۇزۋشىلىق قۇرامىنىڭ بەلگٸلەرٸ بويىنشا 7 سوتقا دەيٸنگٸ تەرگەپ-تەرگەۋ باستالدى. ياعني, جالعان قۇجاتتاردى قولدان جاساۋ.
قازٸرگٸ ۋاقىتتا ولاردىڭ اتىنا جالعان ۆاكتسيناتسييا پاسپورتتارى بەرٸلگەن 37 ازامات, سونداي-اق جالعان قۇجات جاساۋعا قاتىسى بار 12 ادام, ونىڭ ٸشٸندە 8 مەديتسينا قىزمەتكەرٸ انىقتالدى.
باسقا كٷدٸكتٸ تۇلعالاردى انىقتاۋ بويىنشا جەدەل-تەرگەۋ شارالارى جالعاسۋدا.
قارجىلىق مونيتورينگ اگەنتتٸگٸ ازاماتتارعا جالعان ۆاكتسيناتسييا پاسپورتتارىن پايدالانعانى ٷشٸن 160 اەك (467 مىڭ تەڭگە) مٶلشەرٸندە ايىپپۇل سالىناتىنىن, نەمەسە سول مٶلشەردە تٷزەۋ جۇمىستارى, نەمەسە 160 ساعاتقا دەيٸنگٸ مەرزٸمگە قوعامدىق جۇمىستار, نەمەسە 40 تەۋلٸككە دەيٸن قاماۋعا الىناتىنىن ەسكە سالادى.
پاسپورتتى تٸكەلەي قولدان جاساعان ادامدارعا, ونىڭ ٸشٸندە مەديتسينا قىزمەتكەرلەرٸنە قاتاڭ جازا قاراستىرىلعان. ولارعا 2000 اەك (5,8 ميلليون تەڭگە) مٶلشەرٸندە ايىپپۇل سالىنادى نەمەسە 600 ساعاتقا دەيٸنگٸ مەرزٸمگە قوعامدىق جۇمىستارعا تارتىلادى نەمەسە 2 جىلعا دەيٸن باس بوستاندىعىنان ايىرىلماق.
