Qarjylyq monitoring agenttiginiń qyzmetkerleri Almaty, Shymkent, Aqtóbe, Pavlodar jáne Taraz qalalarynda jalǵan vaktsina pasportyn satqandardy anyqtady, dep habarlaidy "Ult aqparat".
Agenttiktiń habarlaýynsha, jalǵan vaktsinatsiia pasporttaryn 5 000-nan 30 000 teńgege aralyǵynda satqan.
Atalǵan faktiler boiynsha qylmystyq kodekstiń 385-babynda kózdelgen qylmystyq quqyq buzýshylyq quramynyń belgileri boiynsha 7 sotqa deiingi tergep-tergeý bastaldy. Iaǵni, jalǵan qujattardy qoldan jasaý.
Qazirgi ýaqytta olardyń atyna jalǵan vaktsinatsiia pasporttary berilgen 37 azamat, sondai-aq jalǵan qujat jasaýǵa qatysy bar 12 adam, onyń ishinde 8 meditsina qyzmetkeri anyqtaldy.
Basqa kúdikti tulǵalardy anyqtaý boiynsha jedel-tergeý sharalary jalǵasýda.
Qarjylyq monitoring agenttigi azamattarǵa jalǵan vaktsinatsiia pasporttaryn paidalanǵany úshin 160 AEK (467 myń teńge) mólsherinde aiyppul salynatynyn, nemese sol mólsherde túzeý jumystary, nemese 160 saǵatqa deiingi merzimge qoǵamdyq jumystar, nemese 40 táýlikke deiin qamaýǵa alynatynyn eske salady.
Pasportty tikelei qoldan jasaǵan adamdarǵa, onyń ishinde meditsina qyzmetkerlerine qatań jaza qarastyrylǵan. Olarǵa 2000 AEK (5,8 million teńge) mólsherinde aiyppul salynady nemese 600 saǵatqa deiingi merzimge qoǵamdyq jumystarǵa tartylady nemese 2 jylǵa deiin bas bostandyǵynan aiyrylmaq.
