ديلەرلەر قازاقستاننان رەسەيگە جاڭا كٶلٸكتەردٸ جاپپاي شىعارىپ جاتىر, - دەپ حابارلايدى Tengrinews.kz تٸلشٸسٸ "استانا" تەلەارناسىنا سٸلتەمە جاساپ.
مىسالى, تاتارستان كەدەنٸ جىل باسىنان بەرٸ وبلىسقا بٸزدٸڭ ەلدەن 237 اۆتوكٶلٸك ەكەلٸنگەنٸن حابارلاعان. بٸر جىل بۇرىن بۇل كٶرسەتكٸش تٶرتكە تەڭ بولعان.
ٶيتكەنٸ, رەسەيدە اۆتوموبيل ٶنەركەسٸبٸندە داعدارىس بايقالادى: باعانىڭ كٶتەرٸلۋٸنەن ونداعى جاڭا كٶلٸكتەردٸڭ ساتىلىمى 70 پايىزعا تٶمەندەگەن. شەكارانىڭ ارعى جاعىندا بٸر مودەلگٸ كٶلٸك باعاسىنا ايىرماشىلىق ميلليون رۋبلدەن باستالادى, دەيدٸ جەكە ديلەرلەر.
نۇر-سۇلتاندا جەرلەستەرٸنە كٶلٸك الۋعا كٶمەكتەسٸپ جٷرگەن رەسەيلٸك جەكە ديلەر كٶلٸكتٸ اۆتوورتالىقتان ساتىپ الىپ, رەسەي فەدەراتسيياسىنا جٶنەلتەتٸن قازاقستاندىقتى تابۋ جەتكٸلٸكتٸ ەكەنٸن ايتتى. بۇل سحەماعا سەيكەس, ەر ادام قازٸردٸڭ ٶزٸندە 50-دەن اسا كٶلٸك پەن كروسسوۆەر ساتقان. الايدا جۇمىسىن ماۋسىمدا عانا باستاعان.
"العاشقى ساتىپ الۋشىلار قازاقستان ازاماتتارى. كەدەندٸك رەسٸمدەۋ ٷشٸن قازاقستاندا بارلىق كەدەندٸك باجدى تٶلەيمٸز. پورت قىزمەتتەرٸنە تٶلەيمٸز, سودان كەيٸن كٶلٸكتٸ تاسىمالداۋشىعا سالىپ, رەسەيگە اپارامىز", - دەيدٸ كٶلٸك ساتىپ الۋ جٶنٸندەگٸ كەڭەسشٸ ولەگ نۇرمۇحامەتوۆ.
بۇل سحەمانىڭ جالعىز قيىندىعى - رۋبلدٸ تەڭگەگە ايىرباستاۋ. رەسەيلٸك بانكتەر قازاقستاندىقتارعا قاراعاندا اقشانى "ۇتىمسىز" باعاممەن ايىرباستايدى, دەپ تٷسٸندٸردٸ جەكە ديلەر.
ديلەر قازاقستاندىقتارمەن قارىم-قاتىناس جاساۋ ٶتە جاقسى ەكەنٸن مويىندادى. ونىڭ پٸكٸرٸنشە, بٸزدٸڭ ەلٸمٸز اۆتوموبيل حابىنا اينالىپ كەلەدٸ.
"دۇرىسىن ايتۋ كەرەك, مەن قازاقستاندىقتار تاراپىنان الداۋدى كەزدەستٸرگەن جوقپىن. ياعني, باعانى كەلٸسٸپ, قول الىسىپ, الدىن الا تٶلەم جٸبەرسەك – بولدى. قازاقستان قازٸر اۆتوموبيل حابىنا اينالىپ كەلەدٸ. سٸزدەردە پورتتار بار, بۇل پورتتارعا قازاقستاندىق نارىققا ارنالماعان ترانزيتتٸك ۆاگوندار كٶپ كەلەدٸ", - دەدٸ نۇرمۇحامەتوۆ.
