اۋىل شارۋاشىلىعى مينيسترٸ ساپارحان وماروۆ تٶلدەيتٸن مالدى كٶرشٸ ەلدەرگە شىعارۋ مەسەلەسٸن كٶتەردٸ, دەپ حابارلايدى Sputnik قازاقستان تٸلشٸسٸ.
مينيستردٸڭ ايتۋىنشا, بٷگٸندە وتاندىق مالدى شەتەلگە شىعارۋ قارقىنى بەسەڭدەمەي وتىر. رەسمي مەلٸمەتكە سەيكەس, بىلتىر 50 مىڭ باس مال ٶزگە ەلدەرگە شىعارىلدى. ال بيىل بەس ايدىڭ ٸشٸندە شەتەلگە كەتكەن مالدىڭ سانى 42 مىڭعا جەتكەن.
"ەرينە, بٸر جاعىنان ول جاقسى. دەمەك, اۋىل شارۋاشىلىعى سالاسىنداعى باعدارلامالار جۇمىس ٸستەپ تۇر. شارۋالار مالدى ٶسٸرٸپ, ارى قاراي ساتا الادى. بٸراق ەكٸنشٸ جاعىنان وسى سالادا تەرتٸپ بۇزۋشىلىقتار دا از ەمەس. شەتەلگە تٶلدەيتٸن مالىمىز كەتٸپ جاتىر. بٸز ول مالدى ەلگە ٶزٸمٸز ەكەلەمٸز. وعان قىرۋار قارجى دا بٶلٸنٸپ تۇرادى. ونداي جاعدايدا تٶلدەيتٸن مالدى كٶرشٸ ەلدەرگە شىعارعان دۇرىس ەمەس", - دەدٸ وماروۆ ەسەپ بەرۋٸ كەزدەسۋٸندە.
ونىڭ سٶزٸنە قاراعاندا, ٶتكەن اپتادا ارنايى ەكٸ توپ قىتاي مەن ٶزبەكستان شەكاراسىنا جٸبەرٸلگەن بولاتىن. قازٸرگٸ كەزدە اتالعان توپتار تيٸستٸ تەكسەرٸستەردٸ باستاپ كەتتٸ.
"الدىن الا مەلٸمەتكە سەيكەس, زاڭ بۇزۋشىلىقتار ٶتە كٶپ. مەسەلەن, مالدىڭ قۇلاعىنداعى بيركانى الىپ تاستايدى. سودان ول مالدىڭ قايدان شىققانىن انىقتاۋ مٷمكٸن ەمەس. بٸز اتالعان تەكسەرٸستەر بويىنشا تيٸستٸ شارا قابىلدايمىز. ەزٸرگە تٶلدەيتٸن مالدى شەتەلگە شىعارۋعا تىيىم سالۋ تۋرالى ۇسىنىس بار", - دەيدٸ وماروۆ.
ايتا كەتەيٸك, بىلتىر يندۋسترييالاندىرۋدىڭ ەكٸنشٸ بەسجىلدىعى اياسىندا تٷيە مەن بيە سٷتٸ ەكسپورتقا شىعارىلا باستاعان ەدٸ. سٷتتٸ ۇنتاق كٷيٸندە ٶندٸرەتٸن قازاقستانداعى جالعىز كەسٸپورىن تٷركٸستان وبلىسىندا ورنالاسقان. جوبا قۋاتتىلىعى – 1,5 مىڭ توننا سٷت. كەسٸپورىن 144 ادامدى جۇمىس ورنىمەن قامتاماسىز ەتٸپ وتىر.
