قازاقستانعا جاھاندىق جانجالدار شەشٸمٸنٸڭ جاۋابىن تابۋعا تۋرا كەلەدٸ. مۇنداي پٸكٸردٸ بٷگٸن نيۋ-يوركتان تٸكەلەي بايلانىسقا شىعىپ, قازاقستاندىق باق ٶكٸلدەرٸمەن سۇحباتتاسقان بۇۇ باس حاتشىسىنىڭ كٶمەكشٸسٸ ميروسلاۆ ەنچا بٸلدٸردٸ, دەپ حابارلايدى قازاقپارات.
«وسى ايدا قازاقستان بۇۇ قاۋٸپسٸزدٸك كەڭەسٸنە تٶراعالىق ەتەدٸ. بۇل ايرىقشا ماڭىزدى رٶل. ٶيتكەنٸ قازاقستان قاۋٸپسٸزدٸك كەڭەسٸنٸڭ تٶراعاسى رەتٸندە ونىڭ وتىرىسىن شاقىرىپ, كٷن تەرتٸبٸن ۇيىمداستىرادى جەنە قاۋٸپسٸزدٸك كەڭەسٸ اتىنان سٶز سٶيلەيدٸ. كەلەسٸ اپتادا قاۋٸپسٸزدٸك كەڭەسٸنٸڭ بٸرنەشە ٶتە ماڭىزدى وتىرىسى بولادى. بٸرٸنشٸسٸ - پرەزيدەنت نۇرسۇلتان نازارباەۆتىڭ قاتىسۋىمەن يادرولىق قارۋسىزدانۋ, سەنٸم شارالارى مەسەلەلەرٸنە ارنالعان وتىرىس. 19 قاڭتار, جۇما كٷنٸ ورتالىق ازييا مەن اۋعانستان مەسەلەلەرٸنە ارنالعان وتىرىس ٶتەدٸ», - دەدٸ ميروسلاۆ ەنچا.
سونىمەن قاتار ول سيرييا قاقتىعىسىن شەشۋ مەسەلەسٸندە قازاقستان ايرىقشا رٶل وينايتىندىعىن, ەلوردادا استانا پروتسەسٸنٸڭ 8 راۋندى ٶتكەنٸن ايتتى.
«بۇل پروتسەسستٸڭ سيريياداعى قاقتىعىس پروبلەمالارى شەشٸمٸن ٸزدەۋدەگٸ ٷلەسٸ ٶتە ٷلكەن. بۇل شيەلەنٸستٸ تٶمەندەتۋ, دەەسكالاتسييا ايماعىن قۇرۋ جەنە ەڭ ماڭىزدىسى اتالعان پروتسەسس بۇۇ باس حاتشىسىنىڭ ارناۋلى ٶكٸلٸ ستەففان دە ميستۋرانىڭ جەتەكشٸلٸگٸمەن جەنەۆادا ٶتەتٸن ساياسي پروتسەسسكە قولداۋ كٶرسەتەدٸ», - دەدٸ بۇۇ باس حاتشىسىنىڭ كٶمەكشٸسٸ.
ميروسلاۆ ەنچانىڭ پايىمىنشا, قازاقستان ورتالىق ازيياداعى بەيبٸتشٸلٸك پەن تۇراقتىلىقتى نىعايتۋعا قوسقان ماڭىزدى ٷلەسٸن تيٸمدٸ پايدالانۋدا.
«بۇل - يادرولىق قارۋسىزدانۋ مەسەلەلەرٸ, سەمەي يادرولىق پوليگونىن جابۋ, ورتالىق ازيياداعى يادرولىق قارۋسىز ايماق قۇرۋ. قازاقستاننىڭ باستاماسىمەن حالىقارالىق يادرولىق سىناقتارعا قارسى ٸس-قيمىل كٷنٸنٸڭ نەگٸزٸ قالاندى. بۇل باعىتتا قازاقستان قىزمەتٸن جالعاستىرۋدا», - دەدٸ ول.
ونىڭ ايتۋىنشا, اۋعانستانمەن بايلانىستى قاۋٸپسٸزدٸك مەسەلەلەرٸن شەشۋدە دە قازاقستان ايرىقشا رٶلگە يە.
«اۋعانستان پروبلەماسىن تەك قانا ەسكەري جولمەن شەشۋ مٷمكٸن ەمەستٸگٸ بارلىعىنا دا تٷسٸنٸكتٸ. قايتا ٶڭٸرلٸك ىنتىماقتاستىقتى, ينفراقۇرىلىمدىق جوبالاردى قولداۋ قاجەت. بۇۇ-نىڭ شتاب-پەتەرٸ قازاقستاننىڭ اۋعانستانعا قولداۋ كٶرسەتٸپ وتىرعانىن, ونىڭ ٸشٸندە كادرلار دايىنداۋعا جەردەم بەرٸپ جاتقانىن جاقسى بٸلەدٸ. كەزٸندە ورتالىق ازيياداعى پرەۆەنتيۆتٸ ديپلوماتييا ٶڭٸرلٸك ورتالىعىنىڭ باسشىسى بولىپ جۇمىس ٸستەگەن كەزٸمدە الماتىداعى اۋعان جاستارى بٸلٸم الىپ جاتقان ۋنيۆەرسيتەتتەردە دەرٸس وقىعان ەدٸم. مەنٸڭشە, بۇل اۋعانستاننىڭ بەيبٸت بولاشاعىن قولداۋعا جەنە ورتالىق ازيياداعى ىنتىماقتاستىقتى دامىتۋعا قوسىلعان ناقتى ٷلەس. وسىلايشا, قازاقستان جاھاندىق بەيبٸتشٸلٸكتٸ قامتاماسىز ەتۋگە ٷلەس قوسىپ وتىر», - دەدٸ ەنچا.
