قازاقستانعا مۇناي ٶندٸرۋ زاۋىتى قاجەت ەمەس. ەنەرگەتيكا مينيسترلٸگٸ مەن «قازمۇنايگاز» كومپانيياسى قازاقستان مەن شەتەلدٸك نارىققا تالداۋ جۇمىستارىن جٷرگٸزٸپ, وسىنداي قورىتىندىعا كەلٸپ وتىر, دەپ حابارلايدى "ۇلت اقپارات".
«قازاقستانعا تٶرتٸنشٸ مۇناي ٶڭدەۋ زاۋىتى كەرەك پە, جوق پا دەگەن سۇراقتىڭ اينالاسىنداعى پٸكٸرتالاستىڭ بەرٸنە نٷكتە قويۋ ٷشٸن بٸز «قازمۇنايگازبەن» بٸرگە بىلتىر تەرەڭ تالداۋ جۇمىستارىن جٷرگٸزگەن بولاتىنبىز. «قازمۇنايگاز» تٸپتٸ نارىقتى, مٷمكٸندٸكتەر مەن ترەندتەردٸ زەرتتەۋگە قاۋقارلى كومپانييالاردى جالداپ, بەلگٸلٸ بٸر شىعىندى دا شىعارعانى بار. ترەندتەر دەمەكشٸ, قازٸردٸڭ ٶزٸندە ەلەمدە ەلەكتروموبيلدەرگە دەگەن قىزىعۋشىلىقتىڭ ارتىپ كەلە جاتقانىن دا ەسكەرۋگە تىرىستىق. وسىعان بايلانىستى, مۇناي ٶنٸمدەرٸن تۇتىنۋ كٶلەمٸنٸڭ بالانسىن قايتا زەردەلەدٸك. اقىرى, دەل قازٸرگٸ ۋاقىتتا تٶرتٸنشٸ مۇناي ٶڭدەۋ زاۋىتىن سالۋدىڭ قاجەتٸ جوق دەگەن قورىتىندىعا كەلدٸك», - دەدٸ قانات بوزىمباەۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنا قاراعاندا, قازاقستاندا قازٸرگٸ تاڭدا ٷش بٸردەي مٶز بار. ونىڭ ٶزٸ بٷگٸنگٸ تاڭدا تولىق قۋاتىندا جۇمىس ٸستەمەي تۇر.
«وعان ٶنٸمنٸڭ كەيدە ارتىق شىعارىلىپ كەتەتٸنٸن قوسا بەرٸڭٸز. باتىس قازاقستانداعى مٶز مەسەلەن, جالپى قۋاتىنىڭ 50 پايىزى عانا جۇمىس اتقارۋدا. جوبالىق سيپاتى جاعىنان ارتىق ٶندٸرٸلەتٸنٸ كٶزدەلگەنٸمەن, ٸشكٸ نارىقتاعى تٶمەن باعاعا بايلانىستى بۇل زاۋىت كوندەنساتتى ەلەمدٸك نارىقتىق باعاعا ساي ساتىپ الا المايدى», - دەدٸ ول.
مينيستردٸڭ پايىمىنشا, ٸشكٸ نارىقتىڭ كٶزقاراسىمەن قارايتىن بولساق, قازاقستانعا تٶرتٸنشٸ مٶز-دٸڭ قاجەتٸ جوق.
«ال مۇناي ٶنٸمدەرٸن ەكسپورتتاۋ كٶزقاراسىمەن قاراساق, «مۇناي ٶنٸمٸن ساتۋ تيٸمدٸ مە, ەلدە شيكٸزاتتى ساتقان ىڭعايلى ما?» دەگەن سۇراققا جاۋاپ ٸزدەۋ كەرەك. ٶكٸنٸشكە قاراي, قازاقستان - الىس كونتينەنتالدى مەملەكەت. ال مۇنايدى ەلەمدٸك نارىقتا قۇبىر جەلٸلەرٸ ارقىلى جەتكٸزۋ ىڭعايلىراق. ەلەمدٸك نارىقتاعى باعاعا قول جەتكٸزۋ ٷشٸن بەنزينٸمٸزدٸ قارا تەڭٸزدٸڭ پورتىنا جەتكٸزۋٸمٸز كەرەك. ول ٷشٸن جول بويى رف مەن ۋكراينا تەمٸر جولى ٷشٸن اقشا تٶلەۋ كەرەك بولادى. ەلبەتتە, ٶنٸمٸمٸزدٸ ساتۋعا تولىققاندى بولارى داۋسىز! سەبەبٸ, ونىڭ ساپاسى ەۋروستاندارتتارعا ساي كەلەدٸ. الايدا بۇل جولمەن جٷرسە كٶلٸكتٸك شىعىندارىمەن بٸرگە مۇنايشى شيكٸزاتتى ساتۋدان دا از پايدا تابادى. سول ٷشٸن ەكسپورتتىق ماقسات ٷشٸن مٶز سالىپ, ٶنٸمدٸ الىسقا ەكسپورتقا جٸبەرەمٸز دەۋ - ٶز-ٶزٸمٸزدٸ الدانعانمەن بٸردەي بولار ەدٸ. كەسٸبي مامانداردىڭ زەرتتەۋٸنە سٷيەنگەن جٶن. «قازمۇنايگاز» كومپانيياسىمەن جٷرگٸزگەن تالداۋ جۇمىستارىنىڭ نەتيجەسٸن بٸز سٸزدەرمەن بٶلٸسۋگە دايىنبىز», - دەدٸ مينيستر.
