قر پرەمەر-مينيسترٸ اسقار مامين مەسكەۋ قالاسىنا جۇمىس ساپارى اياسىندا رف ٷكٸمەتٸنٸڭ تٶراعاسى ميحايل ميشۋستينمەن, سونداي-اق رەسەيدٸڭ ورتالىق مەملەكەتتٸك ورگاندارىنىڭ, مەملەكەتتٸك كورپوراتسييالارى مەن قارجى-بانك قۇرىلىمدارىنىڭ باسشىلىعىمەن كەلٸسسٶز ٶتكٸزدٸ, دەپ حابارلايدى primeminister.kz.
ٷكٸمەت باسشىلارى ساۋدا-ەكونوميكالىق, قارجى-ينۆەستيتسييالىق, ەنەرگەتيكا جەنە عارىش سالالارىنداعى قازاقستان-رەسەي ىنتىماقتاستىعىن ودان ەرٸ ارتتىرۋ مەسەلەلەرٸن, سونداي-اق ٶنەركەسٸپتٸك كووپەراتسييا شەڭبەرٸندەگٸ جوبالاردى تالقىلادى.
ەۋرازييالىق ەكونوميكالىق وداق فورماتىنداعى ٶزارا ٸس-قيمىلدىڭ ٶزەكتٸ مەسەلەلەرٸ قارالدى.
COVID-19-دىڭ تارالۋىنا قارسى كٷرەس جەنە ەكٸ ەلدٸڭ ەكونوميكالارى ٷشٸن پاندەمييانىڭ سالدارىن جويۋ جٶنٸندەگٸ بٸرلەسكەن ٸس-شارالارعا ەرەكشە نازار اۋدارىلدى.
«سپۋتنيك V» رەسەيلٸك ۆاكتسيناسىنىڭ 4 ملن دوزاسىن قازاقستانعا قوسىمشا جەتكٸزۋ تۋرالى ۋاعدالاستىققا قول جەتكٸزٸلدٸ.
«ۆيرۋستىڭ تارالۋىن جەڭۋ ٷشٸن بٸزدٸڭ ەلدەرٸمٸزدٸڭ كٷش-جٸگەرٸن, ونىڭ ٸشٸندە حالىقتى جاپپاي ۆاكتسيناتسييالاۋ مەسەلەلەرٸندە ٷيلەستٸرۋدٸڭ جوعارى دەڭگەيٸ قاجەت», — دەدٸ ا. مامين.
سونىمەن قاتار بيىلعى جىلدىڭ ەكٸنشٸ جارتىسىندا كٶكشەتاۋ قالاسىندا ٶتەتٸن «ەكولوگييا جەنە جاسىل ٶسٸم سالاسىنداعى ىنتىماقتاستىق» تاقىرىبىنا ارنالعان XVII ايماقارالىق ىنتىماقتاستىق فورۋمىنا دايىندىق مەسەلەسٸ قارالدى.
قر مەن رف اراسىنداعى 2021-2025 جىلدارعا ارنالعان ەكونوميكالىق ىنتىماقتاستىقتىڭ كەشەندٸ باعدارلاماسىن ەزٸرلەۋ جەنە وعان قول قويۋ بويىنشا جۇمىستى جانداندىرۋ قاجەتتٸگٸ اتاپ ٶتٸلدٸ.
رەسەي – قازاقستاننىڭ نەگٸزگٸ سىرتقى ەكونوميكالىق سەرٸكتەسٸ. 2020 جىلى تاۋار اينالىمى $18,2 ملرد قۇرادى.
قازاقستاندا رەسەي كاپيتالىنىڭ قاتىسۋىمەن 10 مىڭنان استام كەسٸپورىن جۇمىس ٸستەيدٸ, بۇل شەتەلدٸك قاتىسۋى بار كەسٸپورىنداردىڭ جالپى سانىنىڭ 36,1%-ىن قۇرايدى.
رف ٶنەركەسٸپ جەنە ساۋدا مينيسترٸ دەنيس مانتۋروۆپەن جەنە رەسەيدٸڭ تٸكەلەي ينۆەستيتسييالار قورىنىڭ باس ديرەكتورى كيريلل دميتريەۆپەن كەزدەسۋدە ٶڭدەۋ ٶنەركەسٸبٸندەگٸ (فارماتسەۆتيكا, ماشينا جاساۋ, مەتالل ٶڭدەۋ, حيمييا ٶنەركەسٸبٸ جەنە ت.ب.) بٸرلەسكەن جوبالاردى ٸسكە اسىرۋدىڭ جاي-كٷيٸ مەن پەرسپەكتيۆالارى, سونداي-اق ەكٸجاقتى فورماتتا جەنە ەاەو شەڭبەرٸندە ساۋدانى كەڭەيتۋ تالقىلاندى.
«روسگەولوگييا» باسقارما تٶراعاسى سەرگەي گوركييمەن ەكٸ ەلدٸڭ گەولوگييا سالاسىنداعى ٶزارا ٸس-قيمىلىنىڭ ٶزەكتٸ مەسەلەلەرٸ تالقىلاندى. «روسكوسموس» مەملەكەتتٸك كورپوراتسيياسىنىڭ باس ديرەكتورى دميتريي روگوزينمەن كەزدەسۋدە عارىش سالاسىنداعى ىنتىماقتاستىق جوبالارى قارالدى.
ساپارعا قر پرەمەر-مينيسترٸنٸڭ ورىنباسارى رومان سكليار, ستراتەگييالىق جوسپارلاۋ جەنە رەفورمالار اگەنتتٸگٸنٸڭ تٶراعاسى — احقو باسقارۋشىسى قايرات كەلٸمبەتوۆ, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, دەنساۋلىق ساقتاۋ مينيسترٸ الەكسەي تسوي, قر-نىڭ رف-داعى تٶتەنشە جەنە ٶكٸلەتتٸ ەلشٸسٸ ەرمەك كٶشەرباەۆ جەنە باسقالار قاتىستى.
