فوتو:gov.kz
قازاقستانعا كەلەتٸن ەڭبەك ميگرانتتارىنىڭ كٶبٸ قىتايدان, -دەپ حابارلايدى "ۇلت اقپارات".
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ حابارلاۋىنشا 2024 جىلعى 1 شٸلدەدەگٸ جاعداي بويىنشا جەرگٸلٸكتٸ اتقارۋشى ورگانداردىڭ رۇقساتىمەن قازاقستان اۋماعىندا 14 049 شەتەل ازاماتى ەڭبەك ەتەدٸ.
"شەتەل جۇمىس كٷشٸن (بۇدان ەرٸ – شجك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ٷشٸن 576 رۇقسات (بٸرٸنشٸ سانات), قۇرىلىمدىق بٶلٸمشەلەردٸڭ باسشىلارى ٷشٸن 2 598 رۇقسات (ەكٸنشٸ سانات). تارتىلعان شجك نەگٸزگٸ بٶلٸگٸ ٷشٸنشٸ (ماماندار) جەنە تٶرتٸنشٸ (بٸلٸكتٸ جۇمىسشىلار) ساناتتارعا جاتادى – تيٸسٸنشە ولار 5 353 جەنە 473 ادام. سونداي-اق ماۋسىمدىق جۇمىستارعا 1 899 ادام, ال كورپوراتيۆتٸك اۋىستىرۋ اياسىندا 3 150 ادام تارتىلدى", -دەلٸنگەن حابارلامادا.
قازٸرگٸ ۋاقىتتا قازاقستاندا شجك پايدالاناتىن 1 796 جۇمىس بەرۋشٸ بار. ولاردا 436,1 مىڭنان استام قازاقستان ازاماتى جۇمىس ٸستەيدٸ, بۇل قىزمەتكەرلەردٸڭ جالپى سانىنىڭ 96,8% - ى.
ەكونوميكالىق قىزمەت تٷرلەرٸ بويىنشا ەڭ كٶپ جۇمىس ٸستەيتٸندەر قۇرىلىس سالاسىندا – 4 397 ادام, اۋىل, ورمان جەنە بالىق شارۋاشىلىعى – 1 897 ادام, ەكٸمشٸلٸك جەنە كٶمەكشٸ قىزمەتتەر – 1 592, تاۋ – كەن ٶنەركەسٸبٸ جەنە كارەرلەردٸ قازۋ – 1 293 ادام, ٶڭدەۋ ٶنەركەسٸبٸ – 1 252 ادام.
ەڭبەك ميگرانتتارى كەلەتٸن نەگٸزگٸ ەلدەر: قىتاي – 4 123 ادام, ٶزبەكستان – 1 968 ادام, تٷركييا – 1 152 ادام, ٷندٸستان – 1 114 ادام.
"ٸشكٸ ەڭبەك نارىعىن قورعاۋ ماقساتىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جىل سايىن رەسپۋبليكاعا شەتەل ماماندارىن تارتۋعا كۆوتا بەلگٸلەيدٸ جەنە بٶلەدٸ. 2024 جىلى جالپى كۆوتا رەسپۋبليكاداعى جۇمىس كٷشٸنٸڭ سانىنا قاتىستى 0,23% نەمەسە 22 مىڭ بٸرلٸك مٶلشەرٸندە بەلگٸلەندٸ", -دەلٸنگەن حابارلامادا.
