جاقىندا قازاقستاننىڭ سولتٷستٸك ٶڭٸرٸنە قاتىستى نيكونوۆتىڭ (دۋما دەپۋتاتى - رەد.) داۋلى مەلٸمدەمەسٸنە بەلسەندٸ ارالاسىپ, «رەسەي ٶزٸنە تيەسٸلٸ بٸرنەشە ايماقتى قازاقستانعا سىيعا بەرگەن» دەگەن پٸكٸردٸ ودان ارى ۋشىقتىرعان رف مەملەكەتتٸك دۋماسىنىڭ دەپۋتاتى ەۆگەنيي فەدوروۆتىڭ نۇر-سۇلتان مەن الماتى قالالارىندا كەڭسەسٸ بار ەكەن. بۇل تۋرالى بەلگٸلٸ ساياساتكەر, ۇلتتىق قوعامدىق سەنٸم كەڭەسٸنٸڭ ەكس-مٷشەسٸ مۇحتار تايجان Facebook جەلٸسٸندە جازدى, دەپ حابارلايدى Azattyq ruhy سايتى.
«كەرٸم قاجىمحانۇلى مەسٸموۆ (ۇقك), ەرلان زامانبەكۇلى تۇرعىمباەۆ (ٸٸم), عيزات دەۋرەنبەكۇلى نۇردەۋلەتوۆ (باس پروكۋراتۋرا), بٸز سيياقتى قاراپايىم ازاماتتارعا تٷسٸندٸرٸڭٸزدەر, كٷنٸ بٷگٸنگە دەيٸن قازاقستاندا ۇلتتىق ازات ەتۋ قوزعالىسى ۇيىمى قانداي سەبەپتەرگە بايلانىستى جۇمىس ٸستەپ تۇر? ولاردىڭ اشىق تٷردەگٸ نەگٸزگٸ ماقساتى – قازاقستاننىڭ تەۋەلسٸزدٸگٸن جەنە تەرريتورييالىق تۇتاستىعىن جويۋ», - دەپ جازدى ول.
قوعام بەلسەندٸسٸ اتالعان ۇيىمنىڭ كەڭسەلەرٸ ورنالاسقان مەكەنجايدى دا اتادى.
«بۇل ۇيىمنىڭ الماتى مەن نۇر-سۇلتان قالالارىندا كەڭسەلەرٸ بار. ولار اشىق تٷردە ۇيىمعا ادامدار جينايدى. نۇر-سۇلتانداعى مەكەن-جايى (سىعاناق ك-سٸ, 19. ال سىعاناق 20 مەكەن-جايى) – ۇلتتىق قاۋٸپسٸزدٸك كوميتەتٸنٸڭ عيماراتىندا. كەرٸم قاجىمحانۇلى, سٸزدەرگە كٶرشٸ ورنالاسقان. مۇندايعا قالاي جول بەرۋگە بولادى? ال ۇلتتىق ازات ەتۋ قوزعالىسى ۇيىمىنىڭ باسشىسى – رەسەيلٸك دەپۋتات فەدوروۆ!» - دەپ جازعان مۇحتار تايجان.
ەسكە سالا كەتەيٸك, جاقىندا رف مەملەكەتتٸك دۋماسىنىڭ بٸلٸم جەنە عىلىم جٶنٸندەگٸ كوميتەتٸنٸڭ تٶراعاسى ۆياچەسلاۆ نيكونوۆ تەلەارنالاردىڭ بٸرٸندە «قازاقستاننىڭ سولتٷستٸگٸ – رەسەيدٸڭ تارتۋى» دەپ داۋلى مەلٸمدەمە جاسادى. وسىعان بايلانىستى قر سىرتقى ٸستەر مينيسترلٸگٸنە رەسەي فەدەراتسيياسىنىڭ ۋاقىتشا سەنٸمدٸ ٶكٸلٸ الەكساندر كوماروۆ شاقىرىلىپ, رەسەيلٸك ديپلوماتقا قر سٸم ۇستانىمى كٶرسەتٸلگەن نوتا تابىستالدى.
نيكونوۆتىڭ داۋلى مەلٸمدەمەسٸنەن كەيٸن قر سەناتىنىڭ دەپۋتاتى مۇحتار قۇل-مۇحامەد جاۋاپ بەرٸپ, «بۇل – ميلليونداعان قازاق پەن ورىستىڭ تاريحي تانىمىن قورلاۋ» دەگەن باعا بەردٸ.
تٷركييا جاستارى دا رەسەيلٸك دەپۋتاتتىڭ داۋلى مەلٸمدەسٸنە قاتىستى اكتسييا باستاپ, «رەسەي, قازاقستاننان قولىڭدى تارت!», «قازاقستان جالعىز ەمەس!», «كٸم قازاقستانعا قارسى بولسا, تٷركيياعا دا قارسى!» دەگەن ۇرانمەن قولداۋ كٶرسەتۋدٸ باستادى. بۇل تۋرالى قازاق تٸلٸن قورعاۋعا بەلسەندٸ اتسالىسىپ جٷرگەن وعىز دوعان YouTube جەلٸسٸندە جارييالادى.
