قازاقستاندا پاندەمييا باستالعالى العاش رەت توي ٶتكٸزۋگە رۇقسات بەرٸلدٸ. الايدا تويحانالارعا Ashyq-تا ستاتۋسى "قاۋٸپسٸز" قوناقتار عانا كٸرگٸزٸلەدٸ.
"دەنساۋلىق ساقتاۋ مينيسترٸ الەكسەي تسوي ەلدەگٸ ەپيدەميولوگييالىق جاعداي تۇراقتانعانىن, سوڭعى ەكٸ اپتادا سىرقاتتانۋشىلىق پەن ٶلٸم-جٸتٸم دەڭگەيٸ 60%-كە تٶمەندەگەنٸن ايتتى. وسىعان بايلانىستى 27 قىركٷيەكتەن باستاپ "Ashyq" بويىنشا "قاۋٸپسٸز" مەرتەبەسٸ بار قىزمەتكەرلەر مەن كەلۋشٸلەردٸڭ قاتىسۋىمەن كەلەسٸ ٸس-شارالاردى ٶتكٸزۋگە رۇقسات ەتٸلەدٸ", - دەلٸنگەن COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ حابارلاماسىندا.
اتاپ ايتقاندا, سالتاناتتى, ەسكە الۋ جەنە وتباسىلىق شارالاردى (بانكەت, ٷيلەنۋ تويى, مەرەيتوي) ٶتكٸزۋگە رۇقسات بەرٸلٸپ وتىر.
"جاسىل" ايماقتا تۇرعان ٶڭٸرلەردە زال 50%-كە دەيٸن عانا تولۋى كەرەك, 100 ورىننان اسپاۋى شارت.
"سارى" ايماقتا دا 50%-كە دەيٸن, 70 ورىننان اسپاۋعا تيٸس.
"قىزىل" ايماقتا 50%-كە دەيٸن, 50 ورىننان اسپاۋى كەرەك.
سونداي-اق كونفەرەنتسييالار, فورۋمدار جەنە باسقا دا بۇقارالىق شارالاردى, كٶرمەلەردٸ ٶتكٸزۋگە رۇقسات ەتٸلدٸ.
بۇعان قوسا, تازا اۋادا مارافون ۇيىمداستىرىپ, كٶرەرمەندەردٸڭ قاتىسۋىمەن سپورتتىق شارالار ٶتكٸزۋگە بولادى. سپورتتىق-ساۋىقتىرۋ ورتالىقتارى مەن سپورت كەشەندەرٸنٸڭ, ويىن كلۋبتارىنىڭ (كازينو) قىزمەتٸ جاندانادى.
