Qazaqstanda pandemiia bastalǵaly alǵash ret toi ótkizýge ruqsat berildi. Alaida toihanalarǵa Ashyq-ta statýsy "qaýipsiz" qonaqtar ǵana kirgiziledi.
"Densaýlyq saqtaý ministri Aleksei Tsoi eldegi epidemiologiialyq jaǵdai turaqtanǵanyn, sońǵy eki aptada syrqattanýshylyq pen ólim-jitim deńgeii 60%-ke tómendegenin aitty. Osyǵan bailanysty 27 qyrkúiekten bastap "Ashyq" boiynsha "qaýipsiz" mártebesi bar qyzmetkerler men kelýshilerdiń qatysýymen kelesi is-sharalardy ótkizýge ruqsat etiledi", - delingen COVID-19 taralýyna jol bermeý jónindegi vedomstvoaralyq komissiianyń habarlamasynda.
Atap aitqanda, saltanatty, eske alý jáne otbasylyq sharalardy (banket, úilený toiy, mereitoi) ótkizýge ruqsat berilip otyr.
"Jasyl" aimaqta turǵan óńirlerde zal 50%-ke deiin ǵana tolýy kerek, 100 orynnan aspaýy shart.
"Sary" aimaqta da 50%-ke deiin, 70 orynnan aspaýǵa tiis.
"Qyzyl" aimaqta 50%-ke deiin, 50 orynnan aspaýy kerek.
Sondai-aq konferentsiialar, forýmdar jáne basqa da buqaralyq sharalardy, kórmelerdi ótkizýge ruqsat etildi.
Buǵan qosa, taza aýada marafon uiymdastyryp, kórermenderdiń qatysýymen sporttyq sharalar ótkizýge bolady. Sporttyq-saýyqtyrý ortalyqtary men sport keshenderiniń, oiyn klýbtarynyń (kazino) qyzmeti jandanady.
