قر تسيفرلىق دامۋ, قورعانىس جەنە اەروعارىش ٶنەركەسٸبٸ مينيسترٸ اسقار جۇماعاليەۆ جاڭا پيلوتتىق جوبانىڭ ٸسكە قوسىلعانىن جارييا ەتتٸ.
«دوستار, مەنٸڭ مەكەنجاي انىقتاماسىنان باس تارتۋ قاجەتتٸگٸ تۋرالى جازعانىم ەستەرٸڭٸزدە بولار. بۇل مەسەلەنٸڭ شەشٸمٸن تاپتىق, ەندٸ سٸزدەردەن قولداۋ كٷتەمٸن. مەكەنجاي انىقتاماسىنىڭ قاجەتتٸلٸگٸنە كٷمەن كەلتٸرگەن جازبامدى جارييالاعان سوڭ, ٶزدەرٸڭٸزدەن كٶپتەگەن ۇسىنىس-پٸكٸرلەر كەلٸپ تٷستٸ. بۇل انىقتامانى بٸرٸنشٸدەن, مەملەكەتتٸك مەكەمەلەر جيٸ تالاپ ەتەدٸ, ەيتسە دە ولاردىڭ سۇراتۋعا قۇقىعى جوق. ەكٸنشٸدەن, ەڭبەك كودەكسٸندە مەكەنجاي انىقتاماسىن تالاپ ەتۋ تۋرالى باپتىڭ جوقتىعىنا قاراماستان, جەكە ۇيىمدار دا جيٸ سۇراتادى», - دەپ جازادى مينيستر فەيسبۋك پاراقشاسىندا.
اسقار جۇماعاليەۆتٸڭ جازۋىنشا, دەگەنمەن, مەكەنجاي انىقتاماسىن قاجەت دەپ سانايتىندار دا بار بولىپ شىققان. ولار اتالعان انىقتامانىڭ قاجەت ەكەنٸنە تٷرلٸ سەبەپتەردٸ ۋەج ەتە وتىرىپ, ٶز كٶزقاراستارىن بٸلدٸرٸپ جاتىر.
«بٸز ٶزدەرٸڭٸزدەن كەلٸپ تٷسكەن بارلىق ۇسىنىس-تٸلەكتەردٸ ەسكەردٸك. ەگەر سٸزگە ازاماتتىڭ مەكەنجايى تۋرالى انىقتاما قاجەت بولسا, ازاماتتى سول ٷشٸن حقو-عا جۇمساماي, ونى ٶزٸڭٸز-اق الا الاسىز. وسى ماقساتتا پيلوتتىق جوبانى ٸسكە قوسپاقپىز. كادرلىق قىزمەتتٸڭ قىزمەتكەرٸ نەمەسە مەكەنجاي انىقتاماسىن سۇراتۋشىلار ازاماتتىڭ ٷشٸنشٸ بٸر تاراپقا رۇقسات بەرگەنٸ تۋرالى SMS حابارلامانى الىسىمەن, «egov» پورتالىنا كٸرٸپ, ٶزدەرٸ انىقتامانى جٷكتەپ الادى», - دەيدٸ مينيستر.
مينيستردٸڭ حابارلاۋىنشا, بٷگٸنگٸ كٷنٸ 7 ميلليوننان استام قازاقستاندىق «موبيلدٸ ازامات» بازاسىندا تٸركەلگەن. بۇل وسىنشا ازاماتتىڭ SMS-حابارلاما ارقىلى ٷشٸنشٸ تاراپقا مەكەنجاي انىقتاماسىن الۋعا رۇقسات بەرە الاتىنىن اڭعارتادى. ال, قالعان ازاماتتارعا حقو-عا بارىپ, ٶزٸنٸڭ تەلەفون نٶمٸرٸن تٸركەتۋٸنە تۋرا كەلەدٸ.
«بۇل ٷشٸن بٸرنەشە مينۋت ۋاقىتىڭىزدى جۇمساعانىڭىزبەن, كەيٸن بٸرقاتار ارتىقشىلىقتارعا قول جەتكٸزەسٸز. اتاپ ايتساق, 25 سەرۆيس پەن انىقتامالاردى ەتسق-سىز تەلەگرامم قىزمەتٸ ارقىلى الۋ مٷمكٸندٸگٸنە يە بولاسىز. قۇرمەتتٸ مەكەنجاي انىقتاماسىن تالاپ ەتۋشٸلەر! جاقىن بولاشاقتا قر ٸشكٸ ٸستەر مينيسترلٸگٸ جەنە مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸمەن بٸرلەسە وتىرىپ, پيلوتتىق جوبانى ٸسكە قوسۋ كٷنٸن بەلگٸلەيمٸز. وسىدان سوڭ, ازاماتتاردان مەكەنجاي انىقتاماسىن تالاپ ەتپەي, ونى ٷشٸنشٸ تاراپتىڭ سەرۆيسٸ ارقىلى ٶزدەرٸڭٸز الاتىن بولاسىزدار. كٶمەك قاجەت بولسا, حقو قىزمەتكەرلەرٸ سٸزدەرگە كەڭەس بەرۋگە ەرقاشان دايىن», - دەيدٸ مينيستر.
ەسكە سالا كەتسەك, بۇعان دەيٸن اسقار جۇماعاليەۆ مەملەكەتتٸك ورگانداردىڭ بازالارىن ينتەگراتسييالاۋ ارقىلى انىقتامالاردى بارىنشا قىسقارتۋ قاجەتتٸگٸن ايتقان بولاتىن.
