بٸلٸم جەنە عىلىم مينيسترلٸگٸنٸڭ باستاماسىمەن جاسالعان ٷكٸمەتارالىق كەلٸسٸمدەر شەڭبەرٸندە قازاقستاندىقتار تەگٸن وقي الاتىن ەلدەر سانى ارتتى, دەپ حابارلايدى "ۇلت اقپارات".
مينيسترلٸكتەن مەلٸم ەتكەندەي, ەندٸگٸدە قازاقستاندىقتارعا گرانتتاردى سلوۆاكييا, ەزەربايجان جەنە ۆەتنام ەلدەرٸ بٶلە باستايدى. وسىلايشا, ەگەر 2019 جىلى بٸلٸم بەرۋ سالاسىنداعى كەلٸسٸمدەر اياسىندا مەملەكەتتەر تٸزٸمٸندە 7 ەل بولسا, 2021 جىلى ولاردىڭ سانى 10-عا دەيٸن ارتتى.
10 مەملەكەتتٸڭ قاتارىندا سونداي-اق ۆەنگرييا, پولشا, قىتاي, ۋكراينا, بەلارۋس, قىرعىزستان جەنە تەجٸكستان بار.
بعم اقپاراتىنا سٷيەنسەك, ٶتكەن ەكٸ جىلدا مىڭعا جۋىق قازاقستاندىق وسى ەلدەردٸڭ جەتەكشٸ جوعارى وقۋ ورىندارىندا تەگٸن بٸلٸم الدى. بيىل قازاقستاندىقتارعا 500-گە جۋىق گرانت بٶلٸندٸ. ٷكٸمەتارالىق گرانتتار اياسىندا قازاقستاندىقتار باكالاۆريات, ماگيستراتۋرا, دوكتورانتۋرا, رەزيدەنتۋرا باعدارلامالارى بويىنشا وقي الادى.
«بٸز «بولاشاق» ستيپەندييالىق باعدارلاماسى بويىنشا عانا ەمەس, ٷكٸمەتارالىق كەلٸسٸمدەر شەڭبەرٸندە دە قازاقستاندىقتاردى تەگٸن وقىتۋ ٷشٸن ەلدەر گەوگرافيياسىن كەڭەيتٸپ جاتىرمىز. قازاقستانعا ورالعاننان كەيٸن ماماندار العان بٸلٸمدەرٸن ٶزدەرٸ ەڭبەك ەتەتٸن سالانى دامىتۋ ٷشٸن قولدانادى دەپ ٷمٸتتەنەمٸز», – دەدٸ بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
2019 جىلمەن سالىستىرعاندا كونكۋرستىق ٸرٸكتەۋگە قاتىسۋعا نيەت بٸلدٸرۋشٸلەر سانى 15% ارتتى. ٷمٸتكەرلەردٸ ٸرٸكتەۋدٸ دەپۋتاتتار, ساراپشىلار, ينجەنەرلٸك-تەحنيكالىق, مەديتسينالىق, گۋمانيتارلىق جەنە جاراتىلىستانۋ عىلىمدارىنىڭ عالىم-دوكتورلارىنان تۇراتىن تەۋەلسٸز كوميسسييا جٷرگٸزەدٸ.
ٷكٸمەتارالىق كەلٸسٸمدەردٸڭ وپەراتورى – قر بعم حالىقارالىق باعدارلامالار ورتالىعى.
