Bilim jáne ǵylym ministrliginiń bastamasymen jasalǵan úkimetaralyq kelisimder sheńberinde qazaqstandyqtar tegin oqi alatyn elder sany artty, dep habarlaidy "Ult aqparat".
Ministrlikten málim etkendei, endigide qazaqstandyqtarǵa granttardy Slovakiia, Ázerbaijan jáne Vetnam elderi bóle bastaidy. Osylaisha, eger 2019 jyly bilim berý salasyndaǵy kelisimder aiasynda memleketter tiziminde 7 el bolsa, 2021 jyly olardyń sany 10-ǵa deiin artty.
10 memlekettiń qatarynda sondai-aq Vengriia, Polsha, Qytai, Ýkraina, Belarýs, Qyrǵyzstan jáne Tájikstan bar.
BǴM aqparatyna súiensek, ótken eki jylda myńǵa jýyq qazaqstandyq osy elderdiń jetekshi joǵary oqý oryndarynda tegin bilim aldy. Biyl qazaqstandyqtarǵa 500-ge jýyq grant bólindi. Úkimetaralyq granttar aiasynda qazaqstandyqtar bakalavriat, magistratýra, doktorantýra, rezidentýra baǵdarlamalary boiynsha oqi alady.
«Biz «Bolashaq» stipendiialyq baǵdarlamasy boiynsha ǵana emes, úkimetaralyq kelisimder sheńberinde de qazaqstandyqtardy tegin oqytý úshin elder geografiiasyn keńeitip jatyrmyz. Qazaqstanǵa oralǵannan keiin mamandar alǵan bilimderin ózderi eńbek etetin salany damytý úshin qoldanady dep úmittenemiz», – dedi Bilim jáne ǵylym vitse-ministri Qýanysh Erǵaliev.
2019 jylmen salystyrǵanda konkýrstyq irikteýge qatysýǵa niet bildirýshiler sany 15% artty. Úmitkerlerdi irikteýdi depýtattar, sarapshylar, injenerlik-tehnikalyq, meditsinalyq, gýmanitarlyq jáne jaratylystaný ǵylymdarynyń ǵalym-doktorlarynan turatyn Táýelsiz komissiia júrgizedi.
Úkimetaralyq kelisimderdiń operatory – QR BǴM Halyqaralyq baǵdarlamalar ortalyǵy.
