فوتو: Lada.kz
قازاقستاننىڭ مەديتسينالىق مەكەمەلەرٸندە ماسكا رەجيمٸ قايتا ورالدى. ازاماتتارعا حالىق كٶپ جينالاتىن ورىنداردا دا بەتپەردە كييۋ ۇسىنىلدى. تيٸستٸ قاۋلىعا ەلدٸڭ باس مەملەكەتتٸك سانيتارييالىق دەرٸگەرٸ قول قويدى, - دەپ حابارلايدى «ۇلت اقپارات» Sputnik قازاقستانعا سٸلتەمە جاساپ.
قاۋلى حالىق اراسىندا اۋا-تامشى جولى ارقىلى بەرٸلەتٸن ينفەكتسييالىق اۋرۋلاردىڭ (قىزىلشا, COVID-19, تۇماۋ جەنە باسقا دا جٸتٸ رەسپيراتورلىق ۆيرۋستىق ينفەكتسييالار) تارالۋىنىڭ الدىن الۋ ماقساتىندا قابىلدانعان.
بارلىق ٶڭٸرگە مەديتسينالىق ۇيىمداردا پەرسونال مەن كەلۋشٸلەردٸڭ مەديتسينالىق بەتپەردە تاعۋىن جەنە انتيسەپتيكتەردٸڭ بولۋىن قامتاماسىز ەتۋ تاپسىرىلدى.
سونداي-اق حالىق اراسىندا كوروناۆيرۋس, تۇماۋ مەن جرۆي پروفيلاكتيكا شارالارى تۋرالى اقپاراتتىق-تٷسٸندٸرۋ جۇمىستارى جٷرگٸزٸلەدٸ.
بۇعان قوسا دەنساۋلىق ساقتاۋ مينيسترلٸگٸ قازاقستاندىقتارعا حالىق كٶپ جينالاتىن ورىنداردا (ەۋەجاي, تەمٸرجول ۆوكزالى, اۆتوۆوكزال, بازار, ساۋدا-ويىن-ساۋىق ورتالىعى, ساۋدا ٷيٸ, تەاتر, كينوتەاتر, حقكو, بانكتەر جەنە ت.ب.), سونىمەن قاتار كٶلٸكتٸڭ بارلىق تٷرٸندە (قوعامدىق كٶلٸك, ەۋە, تەمٸر جول كٶلٸگٸ) مەديتسينالىق نەمەسە ماتادان تٸگٸلگەن ماسكالاردى پايدالانۋعا كەڭەس بەردٸ.
وسى قاۋلى قول قويىلعان كٷننەن باستاپ كٷشٸنە ەنەدٸ.
