Foto: Lada.kz
Qazaqstannyń meditsinalyq mekemelerinde maska rejimi qaita oraldy. Azamattarǵa halyq kóp jinalatyn oryndarda da betperde kiiý usynyldy. Tiisti qaýlyǵa eldiń bas memlekettik sanitariialyq dárigeri qol qoidy, - dep habarlaidy «Ult aqparat» Sputnik Qazaqstanǵa silteme jasap.
Qaýly halyq arasynda aýa-tamshy joly arqyly beriletin infektsiialyq aýrýlardyń (qyzylsha, COVID-19, tumaý jáne basqa da jiti respiratorlyq virýstyq infektsiialar) taralýynyń aldyn alý maqsatynda qabyldanǵan.
Barlyq óńirge meditsinalyq uiymdarda personal men kelýshilerdiń meditsinalyq betperde taǵýyn jáne antiseptikterdiń bolýyn qamtamasyz etý tapsyryldy.
Sondai-aq halyq arasynda koronavirýs, tumaý men JRVI profilaktika sharalary týraly aqparattyq-túsindirý jumystary júrgiziledi.
Buǵan qosa densaýlyq saqtaý ministrligi qazaqstandyqtarǵa halyq kóp jinalatyn oryndarda (áýejai, temirjol vokzaly, avtovokzal, bazar, saýda-oiyn-saýyq ortalyǵy, saýda úii, teatr, kinoteatr, HQKO, bankter jáne t.b.), sonymen qatar kóliktiń barlyq túrinde (qoǵamdyq kólik, áýe, temir jol kóligi) meditsinalyq nemese matadan tigilgen maskalardy paidalanýǵa keńes berdi.
Osy qaýly qol qoiylǵan kúnnen bastap kúshine enedi.
