قازاقستاندىقتار ساتىپ الاتىن كٶلٸكتٸڭ ەربٸر ەكٸنشٸسٸ وتاندىق ٶندٸرٸستە قۇراستىرىلعان. بۇل تۋرالى قازاقستان ماشينا جاساۋشىلارىنىڭ VIII فورۋمىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«بٷگٸندە ساتىپ الىنعان كٶلٸكتٸڭ ەربٸر ەكٸنشٸسٸ وتاندىق ٶندٸرٸستە قۇراستىرىلعان كٶلٸك سانالادى. بۇل بٸرلەسكەن جەمٸستٸ جۇمىستىڭ تاماشا كٶرسەتكٸشٸ. بۇعان قوسا, قازاقستاندىق اۆتوٶنەركەسٸپ ٶنٸمدەرٸ ەكسپورتتىق نارىققا دا شىعىپ وتىر. وسى جىلدىڭ 8 ايىندا عانا ەلٸمٸزدە 341,2 ملرد تەڭگە سوماعا 45 مىڭ اۆتوموبيل شىعارىلدى. ونىڭ 4,7 مىڭنان استامى رەسەي, بەلارۋس جەنە ٶزبەكستانعا ەكسپورتتالدى. مۇنداي كٶرسەتكٸشكە ٸشكٸ ٶسٸم رەزەرۆٸن ىنتالاندىرۋدىڭ ارقاسىندا قول جەتكٸزٸلدٸ», - دەدٸ مينيستر.
ونىڭ اتاپ ٶتۋٸنشە, قازٸرگٸ ۋاقىتتا جەڭٸلدەتٸلگەن اۆتوكرەديت پەن جەڭٸلدەتٸلگەن ليزينگ باعدارلاماسى جۇمىس ٸستەپ وتىر. اتالعان باعدارلاما اياسىندا 5 جىلعا 50 ملرد تەڭگە بٶلٸندٸ. بۇل قاراجات وتاندىق كەسٸپورىندارعا 98,6 ملرد تەڭگە سوماعا 19 مىڭ كٶلٸك قۇرالىن قۇراستىرۋعا مٷمكٸندٸك بەردٸ.
«حالىق تاراپىنان تۋىندىعا ٷلكەن سۇرانىستى قاناعاتتاندىرۋ ٷشٸن ٶتكەن جىلى ۇلتتىق بانك جەڭٸلدەتٸلگەن اۆتوكرەديت باعدارلاماسىن ٸسكە قوسىپ, ونىڭ اياسىندا 5 جىلعا, ياعني جىل سايىن 20 ملرد تەڭگەدەن تاعى 100 ملرد تەڭگە بٶلٸندٸ. اتالعان باعدارلاما اياسىندا قازٸردٸڭ ٶزٸندە 40 ملرد تەڭگە سوماعا 7,1 مىڭ اۆتوموبيل ساتىلدى», - دەدٸ بەيبٸت اتامقۇلوۆ.
بۇعان قوسا, مينيستردٸڭ ايتۋىنشا, 2018-2020 جىلدارى ەسكٸرگەن اۆتوبۋس پاركٸن جاڭارتۋ باعدارلاماسى اياسىندا 33,5 ملرد تەڭگە بٶلٸندٸ. بۇل قاراجات ەلٸمٸزدٸڭ ٶڭٸرلەرٸنە 1 350 اۆتوبۋس ساتىپ الۋعا مٷمكٸندٸك بەردٸ. بيىل قوسىمشا 10 ملرد تەڭگە بٶلٸنٸپ وتىر.
