مەملەكەتتٸك كٸرٸستەر كوميتەتٸنٸڭ اۋماقتىق دەپارتتامەنتتەرٸندە قۇرىلعان ارنايى كوميسسييالار نەگٸزگٸ سالىق سوماسىن تٶلەگەن جەكە تۇلعالارعا 2020 جىلدىڭ 27 تامىزىنان باستاپ ٶسٸمپۇلداردى ەسەپتەن شىعارۋعا كٸرٸسكەن, دەپ حابارلايدى "ۇلت اقپارات" كوميتەتتٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ دەرەكتەرٸنە قاراعاندا, 2020 جىلعى 20 جەلتوقسانداعى جاعداي بويىنشا 720 419 جەكە تۇلعا 10,2 ملرد. تەڭگە سوماسىندا سالىقتىڭ نەگٸزگٸ قارىزىن تٶلەدٸ. 1,2 ملرد تەڭگە ٶسٸمپۇل ەسەپتەن شىعارىلدى.
سالىقتىق راقىمشىلىق ٷردٸسٸ باستالعان كەزدە 1,5 ملن جەكە تۇلعانىڭ جالپى قارىزى 24,6 ملرد تەڭگەنٸ, ونىڭ ٸشٸندە نەگٸزگٸ قارىز سوماسى 20,3 ملرد تەڭگە, ٶسٸمپۇل 4,3 ملرد تەڭگەنٸ قۇرادى.
مكك جىل سوڭىنا دەيٸن سالىقتار بويىنشا نەگٸزگٸ قارىزدى تٶلەگەن جاعدايدا ٶسٸمپۇلدى ەسەپتەن شىعارۋ بويىنشا راقىمشىلىق قولدانىلاتىنىن ەسكە سالادى.
سالىقتىق راقىمشىلىق جٷرگٸزۋ مەرزٸمٸ - 2020 جىلعى 31 جەلتوقسانعا دەيٸن بەلگٸلەنگەن.
ٶسٸمپۇلدى ەسەپتەن شىعارۋ ٷشٸن ەشقايدا بارۋدىڭ قاجەتٸ جوق. قارىزدىڭ نەگٸزگٸ سوماسىن تٶلەۋ جەتكٸلٸكتٸ. ٶسٸمپۇل اۆتوماتتى تٷردە ەسەپتەن شىعارىلادى. مەملەكەتتٸك كٸرٸستەر ورگاندارىنىڭ بارلىق اۋماقتىق بٶلٸمشەلەرٸندە ٶسٸمپۇلداردى ەسەپتەن شىعارۋ جٶنٸندەگٸ كوميسسييالار قۇرىلدى.
«سالىقتار بويىنشا بەرەشەكتٸڭ بار/جوق ەكەندٸگٸ تۋرالى مەلٸمەتتەردٸ قر قم مەملەكەتتٸك كٸرٸستەر كوميتەتٸنٸڭ سايتىندا سٸلتەمەسٸ بويىنشا, سونداي-اق eSalyq mobile (AppStore, PlayMarket) موبيلدٸ قوسىمشاسى ارقىلى تەكسەرۋگە بولادى»,-دەلٸنگەن حابارلامادا.
