ەلٸمٸزدە «قارۋ» اكتسيياسى اياقتالدى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى قازاقپارات.
«ٸشكٸ ٸستەر مينيسترلٸگٸ بيىلعى جىلدىڭ 20 سەۋٸرٸنەن باستاپ ٶتكٸزٸلگەن جىل سايىنعى «قارۋ» اكتسيياسىن اياقتادى. اكتسييا بارىسىندا ازاماتتار قارۋ-جاراقتى اقىلى تٷردە تاپسىرادى. وسى ماقساتقا رەسپۋبليكالىق بيۋدجەتتەن بيىل 95 ملن تەڭگەدەن استام قاراجات بٶلٸندٸ. قارۋ-جاراقتى ٶز ەركٸمەن تاپسىرعاندارعا ونىڭ تەحنيكالىق جاي-كٷيٸنە بايلانىستى ەر قارۋ ٷشٸن ايلىق ەسەپتٸك كٶرسەتكٸشتٸڭ وننان جٷزگە دەيٸنگٸ سوماسىندا تٶلەم كٶزدەلگەن», - دەدٸ نۇردٸلدە وراز مينيسترلٸكتٸڭ باسپاسٶز الاڭىندا ٶتكەن دەستٷرلٸ بريفينگ بارىسىندا.
رەسمي ٶكٸلدٸڭ اتاپ ٶتۋٸنشە, اتىس قارۋىن, وق-دەرٸلەردٸ, جارىلعىش زاتتار مەن قۇرىلعىلاردى قابىلداۋ ەربٸر اۋماقتىق پوليتسييا ورگانىندا جٷرگٸزٸلدٸ. اكتسييا اياسىندا پوليتسيياعا مىڭنان استام تۇرعىن ٶز ەركٸمەن 1 400 اتىس قارۋىن تاپسىردى.
«ونىڭ ٸشٸندە 1 شولاق اۆتومات, 197 ۇزىن ۇڭعىلى قارۋ, 3 تاپانشا, 1 مىڭنان استام تەگٸس ۇڭعىلى, 19 تراۆماتيكالىق قارۋ, بٸر كەلٸدەن جوعارى جارىلعىش زاتتار, سونداي-اق شولاق ۇڭعىلى قارۋعا ارنالعان 57 مىڭ وق-دەرٸ قابىلداندى», - دەدٸ ول.
