Elimizde «Qarý» aktsiiasy aiaqtaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Ishki ister ministrligi biylǵy jyldyń 20 sáýirinen bastap ótkizilgen jyl saiynǵy «Qarý» aktsiiasyn aiaqtady. Aktsiia barysynda azamattar qarý-jaraqty aqyly túrde tapsyrady. Osy maqsatqa respýblikalyq biýdjetten biyl 95 mln teńgeden astam qarajat bólindi. Qarý-jaraqty óz erkimen tapsyrǵandarǵa onyń tehnikalyq jai-kúiine bailanysty ár qarý úshin ailyq eseptik kórsetkishtiń onnan júzge deiingi somasynda tólem kózdelgen», - dedi Nurdildá Oraz ministrliktiń baspasóz alańynda ótken dástúrli brifing barysynda.
Resmi ókildiń atap ótýinshe, atys qarýyn, oq-dárilerdi, jarylǵysh zattar men qurylǵylardy qabyldaý árbir aýmaqtyq politsiia organynda júrgizildi. aktsiia aiasynda politsiiaǵa myńnan astam turǵyn óz erkimen 1 400 atys qarýyn tapsyrdy.
«Onyń ishinde 1 sholaq avtomat, 197 uzyn uńǵyly qarý, 3 tapansha, 1 myńnan astam tegis uńǵyly, 19 travmatikalyq qarý, bir keliden joǵary jarylǵysh zattar, sondai-aq sholaq uńǵyly qarýǵa arnalǵan 57 myń oq-dári qabyldandy», - dedi ol.
