فوتو: azattyq-ruhy.kz
بەلارۋستٸك ترەش-ستريمەر اندرەي بۋريم (مەلستروي دەگەن اتپەن تانىمال) ۇيىمداستىرعان پەتەر ۇتىسىنا بايلانىستى قازاقستاندىقتار اقىلعا سىيمايتىن ەرەكەتتەر جاساپ جاتىر, دەپ حابارلايدى Ult.kz .مەسەلە مەلسترويدىڭ «جومارتتىعى» نەمەسە «جازىلۋشىلارىن قۋانتقىسى كەلەتٸنٸندە» ەمەس, ونلاين-كازينونى جارنامالاۋدىڭ كلاسسيكالىق ەدٸسٸ بولۋى مٷمكٸن. سەبەبٸ ونىڭ MellstroyGame حەشتەگٸمەن جارييالانعان اۋقىمدى TikTok-چەللەندجٸ ونلاين-كازينونىڭ اشىلۋىنا وراي ٶتكٸزٸلٸپ جاتىر.
جاقىندا استانادا ەر ادام تەك ٸش كيٸممەن MEGA Silk Way ساۋدا ورتالىعىندا جٷگٸرٸپ, «مەلستروي گەيم, ماعان پەتەر سىيلا!» دەپ ايقايلاپ, بايقاۋ اتاۋى جازىلعان پلاكاتتى بۇلعاپ جٷرگەن. پوليتسييا دەرەۋ ەرەكەت ەتٸپ, 26 جاستاعى ازاماتتى ۇستادى. ول ۇساق بۇزاقىلىق بابى بويىنشا 15 تەۋلٸككە قامالدى.
تاعى بٸر وقيعادا سەيفۋللا سەرٸكۇلى ەسٸمدٸ قازاقستاندىق رەسمي تٷردە ەسٸمٸن Mellstroygame سەرٸكۇلى دەپ ٶزگەرتكەن. ول مۇنداي قادامعا پەتەر ۇتىسىنا قاتىسۋ ٷشٸن بارعانىن ايتقان. ەسٸمٸن ٶزگەرتۋ پروتسەسٸن ول حقكو-دا ۆيدەوعا تٷسٸرٸپ, جارييالادى.
فوتو: stan.kz
مەلستروي بايقاۋدى قازان ايىنىڭ ورتاسىندا باستاعان. شارت بويىنشا, قاتىسۋشىلار MellstroyGame تەگٸن جەنە ونىڭ ونلاين-كازينوسىن اتاپ ٶتەتٸن شىعارماشىلىق ۆيدەو جارييالاۋى كەرەك. كٷن سايىن بلوگەردٸڭ كومانداسى ەڭ ەرەكشە جەنە حايپقا تولى ۆيدەونى تاڭداپ وتىرادى. باس جٷلدە — ەلەم بويىنشا قاتىسۋشىلار اراسىندا ويناتىلاتىن 30 پەتەردٸڭ بٸرٸ.
ايتا كەتەيٸك, قازاقستاندا قۇمار ويىندارى پروبلەماسى ٶتە ٶزەكتٸ. 2025 جىلدىڭ بٸرٸنشٸ توقسانىندا وتانداستارىمىز قۇمار ويىندارعا 310 ميلليارد تەڭگەدەن استام قاراجات جۇمساعان. قازٸر قۇمار ويىندارى جىلجىمايتىن مٷلٸك نارىعىن باسىپ وزىپ, الدىڭعى ورىنعا شىققان. بۇل مەسەلەنٸ قازاقستان پرەزيدەنتٸ دە بٸرنەشە رەت كٶتەرٸپ, ناقتى تاپسىرما بەردٸ. قاۋٸپسٸزدٸك كەڭەسٸنٸڭ وتىرىسىندا دا, ۇلتتىق قۇرىلتايدا قوردالانعان مەسەلەگە ەرەكشە توقتالعان بولاتىن.
وقي وتىرىڭىز: ونلاين-كازينو جارنامالاعان بلوگەرلەرگە قىلمىستىق جاۋاپكەرشٸلٸك قاراستىرىلۋدا
مەجٸلٸس دەپۋتاتى ەلنۇر بەيسەنباەۆ ەلٸمٸزدە 400 مىڭداي ادام بۋكمەكەر مەن كازينولاردىڭ تۇراقتى كليەنتٸنە اينالعانىن ايتىپ دابىل قاققان.
«قۇمار ويىننىڭ بىلايشا ەتەك الىپ كەتۋٸنە ونىڭ ەشبٸر تەجەۋسٸز جارنامالانۋى دا ەسەر ەتٸپ وتىر. بۋكمەكەرلٸك كەڭسەلەر جارناماعا قوماقتى قاراجات جۇمساۋدا. تەلەارنالار, رەسمي ينتەرنەت سايتتار, Youtube ارنالارى, تik-tok, Instagram, Telegram سيياقتى ەلەۋمەتتٸك جەلٸلەردە بۋكمەكەرلٸك كەڭسەلەردٸڭ جارناماسى تولىپ جٷر. سونىمەن قاتار كەيبٸر قوعامدىق پٸكٸر كٶشباسشىلارى, بەلگٸلٸ بلوگەرلەر, مەديا جۇلدىزدار دا وسى زيياندى قۇبىلىستى جارنامالاپ جٷر. ۇسىنىلىپ وتىرعان زاڭدا قۇمار ويىندى جارنامالاۋعا دا تىيىم قاراستىرىلعان. ەندٸ وسى زاڭ جوباسىن تاعى دا جان-جاقتى پىسىقتاپ, تەز ارادا قابىلداۋىمىز كەرەك. مۇنى پرەزيدەنت اتىراۋدا ٶتكەن ۇلتتىق قۇرىلتايدا «پارلامەنتتە قارالىپ جاتقان سول جوبانى وسى سەسسييانىڭ سوڭىنا دەيٸن قابىلداۋ قاجەت» دەپ ناقتى تاپسىرعانىن بٸلەسٸزدەر», - دەگەن بولاتىن بەيسەنباەۆ مەجٸلٸستە ويىن بيزنەسٸن رەتتەۋ, لۋدومانييامەن كٷرەس بويىنشا زاڭ جوباسىنىڭ تانىستىرىلىمىندا.
ەسكە سالايىق, قۇمار ويىندار — جەڭٸل تابىسقا جەتۋدٸڭ جولى ەمەس, تەۋەلدٸلٸككە اپارار قاۋٸپ. كازينو مەن ونلاين-ستاۆكالار ادامدى قارجىلىق كٷيزەلٸسكە, وتباسى مەن دوستاردان الىستاۋعا, پسيحولوگييالىق پروبلەمالارعا ۇرىندىرادى. قۇمار ويىننان اۋلاق بولىڭىز!
