قر دسم قوعامدىق دەنساۋلىق ساقتاۋ ۇلتتىق ورتالىعىنىڭ عىلىمي كەڭەسشٸسٸ ەلٸم ەكٸمباەۆ قازاقستاندىق Qaz Covid-in ۆاكتسيناسىنىڭ ارتىقشىلىقتارىن ايتىپ بەردٸ, دەپ حابارلايدى قازاقپارات.
«بٸز قازٸر دە ٷلكەن جولدى ەڭسەردٸك. ەندٸگٸ ماڭىزدى كەزەڭ – ۆاكتسينالاۋدى قولدانۋ. ۆاكتسينا الىندى, ەندٸ ۆاكتسينالاۋدى دۇرىس ۇيىمداستىرۋ كەرەك. ماسكا رەجيمٸ مەن قاشىقتىق تالابى ەلٸ دە ساقتالادى. ەسٸرەسە جۇقپالى اۋرۋلار اۋرۋحانالارىنىڭ دەرٸگەرلەرٸن, ەپيدەميولوگييالىق قىزمەتتٸ, ناۋقاستارمەن ەڭ كٶپ بايلانىستا بولاتىن ادامداردى يممۋنداۋ قاجەت. رەسەي بٸرٸنشٸ كەزەڭدە بٸزگە ٶتە جوعارى ەلەمدٸك رەيتينگكە يە «سپۋتنيك V» ۆاكتسيناسىن ۇسىندى. جاقىن ارادا بٸزدٸڭ وتاندىق ۆاكتسينا دا شىعارىلۋى تيٸس», - دەپ اتاپ ٶتتٸ ە. ەكٸمباەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ساراپشىنىڭ ٶزٸ قازاقستاندىق ۆاكتسيناعا باسىمدىق بەرٸپ وتىرعانىن ايتتى.
«پاتريوت رەتٸندە ەمەس, ۆاكتسينالاۋمەن اينالىسقان مامان رەتٸندە قازاقستاندىق ۆاكتسيناعا كٶبٸرەك مەن بەرەمٸن دەپ ايتا الامىن. نەگە? جاسالۋى جاعىنان بۇل – ٶلتٸرٸلگەن, بەلسەندٸ ەمەس ۆاكتسينا. ول ساقتاۋ جەنە تاسىمالداۋدىڭ ارنايى تەمپەراتۋراسىن قاجەت ەتپەيدٸ. مۇنداعى رەجيم ەكٸدەن سەگٸز گرادۋسقا دەيٸن. ياعني, ۆاكتسينانى ساقتاۋ ٷشٸن قاراپايىم تۇرمىستىق توڭازىتقىشتى دا قولدانۋعا بولادى. مۇنداي تٸزبەك قازاقستاندا ورتالىقتان شالعاي ٶڭٸرگە دەيٸن قولعا الىنعان. سوندىقتان, 20 گرادۋس تەمپەراتۋرادا ساقتاۋدى تالاپ ەتەتٸن رەسەيلٸك ۆاكتسينادان تيٸمدٸ بولىپ تۇر. ٶيتكەنٸ مۇنداي تەمپەراتۋرادا ٷنەمٸ ساقتاۋ قولدان كەلمەۋٸ مٷمكٸن. ال تەمپەراتۋرا تالابىن بۇزۋ ساپانىڭ تٶمەندەۋٸنە ىقپال ەتەدٸ», - دەپ تٷسٸندٸردٸ مامان.
سونىمەن بٸرگە, ە. ەكٸمباەۆ قازاقستاندىق ۆاكتسينانىڭ انتيگەندٸك جيىنتىق سپەكترٸ شەكتەلمەگەنٸن جەتكٸزدٸ, ٶيتكەنٸ تۇتاس جاسۋشا الىنىپ, قانداي دا بٸر ەدٸسپەن ٶلتٸرٸلەدٸ جەنە انتيگەندەردٸڭ تولىق جيىنتىعى ساقتالادى.
«قازٸر بۇل - ٶتە ٶزەكتٸ, سەبەبٸ كوروناۆيرۋس ينفەكتسيياسى تۋرالى جاڭا ستەرەوتيپتەر شىعىپ جاتىر. بۇل ۆاكتسينا كوروناۆيرۋستىڭ بارلىق مۋتانتتى تٷرلەرٸنە يممۋنيتەتتٸ قالىپتاستىرۋى كەرەك. مٸنە, وسى تۇرعىدا قازاقستاندىق ۆاكتسينانىڭ پەرسپەكتيۆاسى بار», - دەپ تٷيٸندەدٸ ساراپشى.
