قازاقستاندىق تەننيسشٸ قىزدار جاڭا ماۋسىمدى ەبۋ-دابيدە باستايدى, دەپ حابارلايدى "ۇلت اقپارات".
ەيەلدەر تەننيسٸ قاۋىمداستىعى (WTA) 5-13 قاڭتاردا ٶتەتٸن ەبۋدابي تۋرنيرٸنە قاتىسۋشىلار تٸزٸمٸن جارييا ەتتٸ.
جارىسقا قاتىسۋشىلار اراسىندا امەريكالىق سوفيا كەنين, ۋكراينالىق ەلينا سۆيتولينا, چەحييالىقتار كارولينا پليشكوۆا مەن ماركەتا ۆوندروۋشوۆا, بەلارۋس ٶكٸلٸ ارينا سوبولەنكو, شۆەيتسارييالىق بەليندا بەنچيچ, يسپانييالىق گاربينە مۋگۋرۋسا سىندى تانىمال تەننيسشٸلەر بار.
قازاقستاننان ايتۋلى دودادا ەلەنا رىباكينا, يۋلييا پۋتينتسەۆا جەنە ياروسلاۆا شۆەدوۆا باق سىناماقشى.
ايتا كەتەيٸك, 10-13 قاڭتاردا دۋبايدا اۋسترالييا اشىق چەمپيوناتىنىڭ ٸرٸكتەۋ سايىستارى بولادى. ال نەگٸزگٸ جارىس 8 اقپاندا باستالادى. بۇل «ٷلكەن دۋلىعا» تۋرنيرٸنە ٷزدٸك 100 تەننيسشٸنٸڭ قاتارىنا كٸرەتٸندەردٸڭ دەنٸ قاتىسادى. قازاقستاندىقتاردان ە.رىباكينانىڭ رەيتينگتە 19-ىنشى, يۋ.پۋتينتسەۆانىڭ 28-ٸنشٸ, زارينا ديياستىڭ 80-ورىندا تۇرعانى بەلگٸلٸ. سونىمەن قاتار اۋسترالييا اشىق بٸرٸنشٸلٸگٸنە يا.شۆەدوۆا دا شاقىرتۋ الدى.
