Qazaqstandyq tennisshi qyzdar jańa maýsymdy Ábý-Dabide bastaidy, dep habarlaidy "Ult aqparat".
Áielder tennisi qaýymdastyǵy (WTA) 5-13 qańtarda ótetin ÁbýDabi týrnirine qatysýshylar tizimin jariia etti.
Jarysqa qatysýshylar arasynda amerikalyq Sofia Kenin, ýkrainalyq Elina Svitolina, chehiialyqtar Karolina Plishkova men Marketa Vondroýshova, Belarýs ókili Arina Sobolenko, shveitsariialyq Belinda Benchich, ispaniialyq Garbine Mýgýrýsa syndy tanymal tennisshiler bar.
Qazaqstannan aitýly dodada Elena Rybakina, Iýliia Pýtintseva jáne Iaroslava Shvedova baq synamaqshy.
Aita keteiik, 10-13 qańtarda Dýbaida Aýstraliia ashyq chempionatynyń irikteý saiystary bolady. Al negizgi jarys 8 aqpanda bastalady. Bul «Úlken dýlyǵa» týrnirine úzdik 100 tennisshiniń qataryna kiretinderdiń deni qatysady. Qazaqstandyqtardan E.Rybakinanyń reitingte 19-ynshy, Iu.Pýtintsevanyń 28-inshi, Zarina Diiastyń 80-orynda turǵany belgili. Sonymen qatar Aýstraliia ashyq birinshiligine Ia.Shvedova da shaqyrtý aldy.
