بٷگٸن پارلامەنت مەجٸلٸسٸنٸڭ جالپى وتىرىسىندا «تەحنيكالىق رەتتەۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
ەكونوميكالىق سالالاردا تەحنيكالىق رەتتەۋدٸ كٷشەيتۋ باعىتىنا توقتالعان قر ساۋدا جەنە ينتەگراتسييا مينيسترٸ باقىت سۇلتانوۆ: «ەۋرازييالىق ەكونوميكالىق وداق اياسىندا كەلٸسسٶزدەر پوزيتسيياسىن ساپالى قالىپتاستىرۋ ماقساتىندا سالالىق مەملەكەتتٸك ورگاندار جانىندا ساراپتامالىق كەڭەستەر قىزمەتٸن قايتا قۇرۋ كٶزدەلۋدە. قازاقستاندىق تەحنيكالىق رەگلامەنتتەردٸ ەزٸرلەۋدٸڭ تەرتٸبٸ قايتا قارالادى. بيزنەس ٷشٸن ەرٸكتٸ سەرتيفيكاتتاۋ جٷيەسٸن قۇرۋدىڭ قۇقىقتىق تەتٸگٸ بەلگٸلەنەدٸ», - دەدٸ.
ونىڭ ايتۋىنشا, قازاقستاندا تيٸستٸ زەرتحانالىق پراكتيكانى دامىتۋ مەسەلەسٸنە اسا كٶڭٸل بٶلٸنەدٸ. ول ٷشٸن ۇلتتىق اككرەديتتەۋ ورتالىعىنا مونيتورينگ ورگانىنىڭ فۋنكتسييالارىن تيٸستٸ زەرتحانالىق پراكتيكاعا بەرۋ كٶزدەلەدٸ. بۇل ەكونوميكالىق ىنتىماستىق جەنە دامۋ ۇيىمى (ەىدۇ) ەلدەرٸندە قازاقستاندىق سىناق حاتتامالارىن تانۋعا سەرپٸن بەرەدٸ.
«اتالعان نورمالار قازاقستاندىق تاۋارلاردى سىرتقى نارىققا شىعارۋ, وتاندىق ٶندٸرۋشٸلەردٸڭ بەسەكەلەستٸك ارتىقشىلىعىن قورعاۋعا جەنە قازاقستانعا تيٸمدٸ پوزيتسييالاردى كەسٸبي تٷردە قورعاۋعا باعىتتالعان», - دەدٸ ب. سۇلتانوۆ.
ايتا كەتەيٸك, زاڭ جوباسىندا ٸشكٸ نارىقتى «تازارتۋ» ەسكەرٸلگەن. بۇل مەسەلەدەگٸ زاڭنامالىق جاڭالىعى – سۋبەكتٸلەردٸڭ باقىلاۋىنان وبەكتٸلەردٸڭ باقىلاۋىنا كٶشۋ. ياعني ٶندٸرۋشٸ نەمەسە ساتۋشى ەمەس, ٶنٸمنٸڭ ٶزٸ تەكسەرٸلەتٸن بولادى.
سونىمەن قاتار, سەرتيفيكاتتاۋ كەزٸندە سىناق نەتيجەلەرٸنٸڭ دۇرىستىعىن 100 پايىزعا دەيٸن جەتكٸزۋ كٷتٸلۋدە جەنە سەرتيفيكاتتالماعان ٶنٸمدٸ تولىق باقىلاۋعا الۋعا مٷمكٸندٸك بەرٸلەدٸ
«اتالعان ەرەجەلەردٸ زاڭنامالىق تۇرعىدان بەكٸتۋ - ايتارلىقتاي وڭ نەتيجەلەرگە ەكەلەتٸنٸن جەنە ٷكٸمەتتٸڭ ارسەنالىندا بار تەحنيكالىق رەتتەۋ ەرٸ تۇتىنۋشىلاردىڭ قۇقىقتارىن قورعاۋ قۇرالدارىن تولىق پايدالانۋعا نەگٸزٸن قالايدى. سونداي-اق, ۇسىنىلىپ وتىرعان جانا زاڭنامالىق بازا مەملەكەت ٷشٸن باقىلاۋ-قاداعالاۋ قىزمەتٸنٸڭ ايقىندىعىن ارتتىرۋعا, قاۋٸپتٸ ٶنٸمگە نارىققا جول بەرمەۋگە, سىبايلاس جەمقورلىق قاۋپٸن تٶمەندەتۋگە, بيزنەس ٷشٸنادال كەسٸپكەرلٸككە جاعداي جاساۋعا, تۇتىنۋشى ٷشٸن نەعۇرلىم ساپالى ٶنٸمدٸ تاڭداۋعا مٷمكٸندٸك بەرەدٸ», - دەدٸ مينيستر.
جالپى وتىرىستا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تەحنيكالىق رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» ٸلەسپە زاڭ جوباسى دا بٸرٸنشٸ وقىلىمدا ماقۇلداندى.
