WorldSkills ستاندارتتارى بويىنشا ٶتكەن ەۋرازييا چەمپيوناتىندا قازاقستاننىڭ ۇلتتىق قۇراماسى جەتٸ مەدالعا يە بولدى. قازاقستان كوللەدجدەرٸنٸڭ ٷزدٸك ستۋدەنتتەرٸنەن جاساقتالعان كوماندا 2 كٷمٸس, 5 قولا مەدال الدى.
بۇل تۋرالى قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ حابارلادى.
WorldSkills ستاندارتتارى بويىنشا ەۋرازييالىق چەمپيونات 7 ماۋسىم مەن 23 شٸلدە ارالىعىندا ونلاين فورماتتا ٶتتٸ. قازاقستاندىق ستۋدەنتتەر رەسەي, قىتاي, ٷندٸستان, يران, ارمەنييا, بەلارۋس, ٶزبەكستان, قىرعىزستان جەنە تەجٸكستاننان كەلگەن قۇرداستارىمەن بەسەكەگە تٷستٸ.
«بيىل ەۋرازييالىق چەمپيوناتتى ۇيىمداستىرۋعا قاتىسۋشى ەلدەردٸڭ بارلىعى ات سالىستى. ولار الاڭدار جاساقتاپ, قاتىسۋشىلارعا قاجەتتٸ قۇرال-جابدىقتاردى ۇسىندى. ەۋرازييا چەمپيوناتىنىڭ ماقساتى – كادرلاردى دايارلاۋدا ۇلتتىق جٷيەلەردٸ ودان ەرٸ كەڭەيتۋ ٷشٸن جاڭا داعدىلار مەن تەجٸريبە الماسۋ»,– دەپ اتاپ ٶتتٸ قر بٸلٸم جەنە عىلىم مينيسترلٸگٸ تەحنيكالىق جەنە كەسٸپتٸك بٸلٸم دەپارتامەنتٸنٸڭ ديرەكتورى ناسىمجان وسپانوۆا.
ۇلتتىق قۇراما ەۋرازييا چەمپيوناتىنا 9 قۇزىرەتتٸلٸك بويىنشا قاتىستى. نەتيجەسٸندە قازاقستاندىق ستۋدەنتتەر «ەلەكترومونتاجداۋ جۇمىستارى», «گرافيكالىق ديزاين», «شاشتاراز ٶنەرٸ», «سىلاۋ جەنە دەكوراتيۆتٸك جۇمىستار», «بيزنەسكە ارنالعان باعدارلامالىق شەشٸمدەر», «كونديتەرلٸك ٸس» جەنە «سەن تەحنولوگييالارى» سىندى 7 باعىت بويىنشا جٷلدەلٸ ورىندارعا يە بولدى.
ۇلتتىق قۇرامانىڭ ەۋرازييا چەمپيوناتىنا قاتىسۋى WorldSkills حالىقارالىق قوزعالىسىن دامىتۋ جەنە ٸلگەرٸلەتۋ بويىنشا تەجٸريبە الماسۋعا ىقپال ەتەدٸ. سونداي-اق كادرلاردى دايارلاۋداعى ەلەمدٸك ترەندتەردٸ زەردەلەۋگە, وتاندىق تەحنيكالىق جەنە كەسٸپتٸك بٸلٸم بەرۋ جٷيەسٸنٸڭ بەسەكەگە قابٸلەتتٸلٸگٸن ارتىرۋعا مٷمكٸندٸك بەرەدٸ.
ايتا كەتەيٸك, WorldSkills حالىقارالىق قوزعالىسىنىڭ ماقساتى – جۇمىسشى ماماندىقتاردى دەرٸپتەۋ جەنە كادرلاردى كەسٸبي دايارلاۋدىڭ ستاندارتتارىن ارتتىرۋ. قازاقستان WorldSkills قوزعالىسىنا 2014 جىلى قوسىلدى. سودان بەرٸ ۇلتتىق قۇراما حالىقارالىق جارىستارعا بەلسەنە قاتىسىپ جاتىر. جەتٸ جىل ٸشٸندە قازاقستان 50-شٸ ورىننان 14-شٸ ورىنعا كٶتەرٸلٸپ, حالىقارالىق رەيتينگتەگٸ ورنىن نىعايتتى.
