WorldSkills standarttary boiynsha ótken Eýraziia chempionatynda Qazaqstannyń ulttyq quramasy jeti medalǵa ie boldy. Qazaqstan kolledjderiniń úzdik stýdentterinen jasaqtalǵan komanda 2 kúmis, 5 qola medal aldy.
Bul týraly QR Bilim jáne ǵylym ministrliginiń baspasóz qyzmeti habarlady.
WorldSkills standarttary boiynsha Eýraziialyq chempionat 7 maýsym men 23 shilde aralyǵynda onlain formatta ótti. Qazaqstandyq stýdentter Resei, Qytai, Úndistan, Iran, Armeniia, Belarýs, Ózbekstan, Qyrǵyzstan jáne Tájikstannan kelgen qurdastarymen básekege tústi.
«Biyl Eýraziialyq chempionatty uiymdastyrýǵa qatysýshy elderdiń barlyǵy at salysty. Olar alańdar jasaqtap, qatysýshylarǵa qajetti qural-jabdyqtardy usyndy. Eýraziia chempionatynyń maqsaty – kadrlardy daiarlaýda ulttyq júielerdi odan ári keńeitý úshin jańa daǵdylar men tájiribe almasý»,– dep atap ótti QR Bilim jáne ǵylym ministrligi Tehnikalyq jáne kásiptik bilim departamentiniń direktory Nasymjan Ospanova.
Ulttyq qurama Eýraziia chempionatyna 9 quzyrettilik boiynsha qatysty. Nátijesinde qazaqstandyq stýdentter «Elektromontajdaý jumystary», «Grafikalyq dizain», «Shashtaraz óneri», «Sylaý jáne dekorativtik jumystar», «Bizneske arnalǵan baǵdarlamalyq sheshimder», «Konditerlik is» jáne «Sán tehnologiialary» syndy 7 baǵyt boiynsha júldeli oryndarǵa ie boldy.
Ulttyq quramanyń Eýraziia chempionatyna qatysýy WorldSkills halyqaralyq qozǵalysyn damytý jáne ilgeriletý boiynsha tájiribe almasýǵa yqpal etedi. Sondai-aq kadrlardy daiarlaýdaǵy álemdik trendterdi zerdeleýge, otandyq tehnikalyq jáne kásiptik bilim berý júiesiniń básekege qabilettiligin artyrýǵa múmkindik beredi.
Aita keteiik, WorldSkills halyqaralyq qozǵalysynyń maqsaty – jumysshy mamandyqtardy dáripteý jáne kadrlardy kásibi daiarlaýdyń standarttaryn arttyrý. Qazaqstan WorldSkills qozǵalysyna 2014 jyly qosyldy. Sodan beri ulttyq qurama halyqaralyq jarystarǵa belsene qatysyp jatyr. Jeti jyl ishinde Qazaqstan 50-shi orynnan 14-shi orynǵa kóterilip, halyqaralyq reitingtegi ornyn nyǵaitty.
