كەڭەيتٸلگەن دوپينگتٸك تەكسەرۋدەن سوڭ جٷلدەدەن قاعىلعان قازاقستاندىق سپورتشىلار وليمپيادا مەدالٸن قايتارا باستادى, دەپ حابارلايدى Olympic.kz.
جاقىندا قازاقستاندىق اۋىر اتلەتتەر سۆەتلانا پودوبەدوۆا مەن يرينا نەكراسوۆا وليمپيادا ويىندارىندا يەلەنگەن جٷلدەلەرٸن قايتاردى. سۆەتلانا لوندون وليمپياداسىنىڭ التىنىن, يرينا بەيجٸڭ وليمپياداسىنىڭ كٷمٸسٸن قايتا تاپسىردى. قازاقستان ۇلتتىق وليمپيادا كوميتەتٸ وليمپيادالىق حارتييا ەرەجەلەرٸن ۇستانىپ, ەلەمدٸك سپورتتاعى قازاقستان قۇراماسىنىڭ بەدەلٸن ساقتاۋ ماقساتىندا سپورتشىلارمەن ەڭگٸمە جٷرگٸزدٸ. اتلەتتەر تٷسٸنٸستٸك تانىتىپ, تٶرتجىلدىق دوداسىندا يەلەنگەن مەدالدارىن قايتاردى.
ايتا كەتەلٸك, 2016 جىلى حالىقارالىق وليمپيادا كوميتەتٸنٸڭ تەرتٸپتٸك كوميسسيياسى (حوك) مەن سپورتتىق اربيتراجدى سوت (CAS) قازاقستاندىق جەتٸ اۋىر اتلەت پەن ەكٸ بالۋاننىڭ XXIX جەنە XXX وليمپيادا ويىندارىندا جەڭٸپ العان (بەيجٸڭ-2008, لوندون-2012) مەدالدارىن جوققا شىعارىپ, ولاردىڭ دوپينگكە قارسى ەرەجەنٸ بۇزعاندارىن جارييا ەتتٸ. شەشٸمگە سەيكەس اتلەتتەر جارىستان شەتتەتٸلٸپ, نەتيجەلەرٸ جوققا شىعارىلدى جەنە مەدالداردى قايتارۋعا مٸندەتتەلدٸ.
جاقىن ارادا قايتارىلعان مەدالدار حالىقارالىق وليمپيادا كوميتەتٸنە جولدانادى. جٷلدەسٸن ەلٸ كٷنگە دەيٸن قايتارماعان سپورتشىلارمەن كەلٸسسٶز جٷرگٸزۋدٸ ۇوك ودان ەرٸ جالعاستىرماق.
