قر بٸلٸم جەنە عىلىم مينيسترٸ اسحات ايماعامبەتوۆ فيزيكا جەنە لينگۆيستيكا پەندەرٸنەن ٶتكەن حالىقارالىق وليمپيادالاردىڭ جەڭٸمپازدارىن قۇتتىقتادى, دەپ حابارلايدى "ۇلت اقپارات".
«بٸزدٸڭ وقۋشىلار قازاقستاندى ەلەمگە تانىتۋدى جالعاستىرىپ جاتىر. ولار فيزيكا جەنە لينگۆيستيكا پەندەرٸ بويىنشا حالىقارالىق وليمپيادالاردا 6 مەدال جەڭٸپ الدى. جاس فيزيكتەر قۇراما قورجىنىنا 5 كٷمٸس, لينگۆيستەر 1 قولا مەدال سالدى», دەپ جازدى مينيستر Facebook-تەگٸ پاراقشاسىندا.
فيزيكا پەنٸنەن وليمپيادا ليتۆادا ٶتتٸ. قازاقستاننىڭ اتىنان نۇر-سۇلتان, الماتى, اتىراۋ جەنە پاۆلودار قالاسىنان بەس وقۋشى, ياعني رەسپۋبليكالىق پەندٸك وليمپيادانىڭ جەڭٸمپازدارى قاتىستى.
«ولار ەلەمنٸڭ 76 ەلٸنەن كەلگەن 400-گە جۋىق وقۋشىمەن باق سىناستى. نەتيجەسٸندە وقۋشىلارىمىزدىڭ بارلىعى جٷلدەلٸ ورىنعا يە بولدى. كٷمٸس مەدال يەگەرلەرٸ – راۋان قالدىباەۆ, انتون دراگانچۋك, دٸنمۇحاممەد راحىمجانوۆ, ريزابەك الپامىس, ەرسۇلتان پٸتەباي», - دەدٸ اسحات ايماعامبەتوۆ.
لينگۆيستيكا پەنٸنەن وليمپيادا لاتۆييادا ٶتكەن. وعان نۇر-سۇلتان, شىمكەنت, تاراز جەنە قاراعاندى قالالارىنان 4 وقۋشى قاتىستى.
قازاقستان قۇراما كومانداسى رەسپۋبليكالىق وليمپيادانىڭ جەڭٸمپازدارىنان جاساقتالدى. ەلوردالىق وقۋشى داريا پەرەسىپكينا قولا مەدالعا يە بولدى.
«سٸزدەردٸ جاڭا جەڭٸستەرٸڭٸزبەن قۇتتىقتايمىن! قازاقستاندىق وقۋشىلار مىقتى دايىندىعىن, بٸلٸمدەرٸنٸڭ جوعارى دەڭگەيٸن تاعى دا دەلەلدەدٸ.
سٸزدەر ٶز قۇرداستارىڭىزدىڭ اراسىندا فيزيكا جەنە لينگۆيستيكا ەلەمٸندە كٶشباسشى بولا الدىڭىزدار.
وسىنداي جەتٸستٸكتەر قاجىرلى ەڭبەكتٸڭ, شىدامدىلىق پەن قايسارلىقتىڭ, بٸرنەشە جىلدىق جوعارى دايىندىقتىڭ نەتيجەسٸ ەكەنٸ انىق. بولاشاقتا سٸزدەردٸڭ ەسٸمدەرٸڭٸزدٸ وتاندىق عىلىم ەلەمٸندە كٶرەتٸنٸمٸزگە ٷمٸت ارتامىز. سٸزدەرگە جاڭا جەتٸستٸكتەر تٸلەيمٸن!», - دەدٸ مينيستر.
اسحات ايماعامبەتوۆ وقۋشىلاردىڭ ۇستازدارىن, اتا-انالارىن جەنە جاتتىقتىرۋشىلارىن قۇتتىقتادى. ول وقۋشىلاردىڭ عىلىم ەلەمٸن ودان ەرٸ باعىندىرۋى مەن رەكوردتارىن جاڭارتۋى ٷشٸن جاعداي جاساۋدى جالعاستىراتىنىن اتاپ ٶتتٸ.
