ينفورماتيكا پەنٸنٸڭ مۇعالٸمٸ قۋانىش ماعاۋين Apple كومپانيياسىنىڭ Swift باعدارلامالاۋ تٸلٸ بويىنشا سەرتيفيكاتتالعان وقىتۋشىسى اتاندى, دەپ حابارلايدى وقۋ-اعارتۋ مينيسترلٸگٸنٸڭ باسپاسٶز قىزمەتٸ.
نۇر-سۇلتان قالاسىنداعى رەسپۋبليكالىق فيزيكا-ماتەماتيكا مەكتەبٸنٸڭ پەداگوگٸ قۋانىش ماعاۋين Apple كۋرستارىنان ٶتٸپ, ەمتيحانداردى سەتتٸ تاپسىردى جەنە ول قازاقستاندىق مۇعالٸمدەر اراسىندا العاش بولىپ سەرتيفيكات الدى. قۋانىش گەرمانييا, يرلاندييا, باە, مىسىر, ٷندٸستان جەنە باسقا دا ەلدەردٸڭ پەداگوگتەرٸمەن بٸرگە وقىدى. وقىتۋشىلارعا ارنالعان «Apple Certified Trainer» كۋرستارىن Apple كومپانيياسى جىل سايىن ٶتكٸزەدٸ.
ەندٸ ينفورماتيكا پەنٸنٸڭ مۇعالٸمٸ ەلەمنٸڭ ٷزدٸك ەزٸرلەۋشٸلەرٸ بٸلٸم سالاسىنداعى جاڭا جوبالارىن تانىستىراتىن Apple Education ەكسكليۋزيۆتٸ ٸس-شارالارىنا قاتىسا الادى.
«بٷگٸنگٸ تاڭدا قازاقستاندا IT-يندۋسترييا, سونىڭ ٸشٸندە بٸلٸم بەرۋ سالاسىندا دا قارقىندى دامىپ كەلەدٸ. بٸز ەلەكتروندى وقۋلىقتار مەن كٷندەلٸكتەر قولداناتىن, سونداي-اق ەمتيحاندار مەن وليمپيادالاردى ونلاين فورماتتا ٶتكٸزەتٸن ساناۋلى ەلدەردٸڭ قاتارىندامىز. Apple كۋرستارىندا Swift باعدارلامالاۋ تٸلٸ ارقىلى موبيلدٸ قوسىمشالاردى ەزٸرلەۋدٸڭ نەگٸزدەرٸن ٷيرەندٸك. تەلٸمگەرلەر دەرٸستٸ اعىلشىن تٸلٸندە ٶتكٸزدٸ. مەنٸڭ توبىمدا نەگٸزٸنەن قوسىمشالاردى ەزٸرلەۋدە مول تەجٸريبەسٸ بار IT-ماماندار وقىدى. ال مەن توپتاعى جالعىز مۇعالٸم بولدىم. بارلىق ەمتيحاندى تاپسىرىپ, Apple وقىتۋشىسى مەرتەبەسٸن العانىما قۋانىشتىمىن. الداعى ۋاقىتتا مەكتەپتە وقۋشىلارعا ارنالعان موبيلدٸ قوسىمشالار ەزٸرلەۋ بويىنشا كۋرستار ٶتكٸزٸپ, ەرٸپتەستەرٸممەن العان تەجٸريبەممەن بٶلٸسۋدٸ جوسپارلاپ وتىرمىن», – دەيدٸ ينفورماتيكا پەنٸنٸڭ مۇعالٸمٸ قۋانىش ماعاۋين.
پەداگوگتٸڭ ارقاسىندا Apple Authorized Training Center for Education (AATCE) مەرتەبەسٸ ٶزٸ جۇمىس ٸستەيتٸن مەكتەپكە دە اۆتوماتتى تٷردە بەرٸلدٸ. ەندٸ ول جۇمىس ٸستەيتٸن ەلورداداعى رەسپۋبليكالىق فيزيكا-ماتەماتيكا مەكتەبٸ Swift قوسىمشاسىن جاساۋ بويىنشا كۋرستار ٶتكٸزٸپ, وقۋشىلاردى سەرتيفيكاتتاپ, وقۋ ورنىندا Apple classroom زەرتحاناسىن اشا الادى.
