قازاقستاندىق كەسٸپكەر ەلدوس ايبەكوۆ افريكا قۇرلىعىنداعى اۋىزسۋعا مۇقتاج حالىققا قۇدىق قازىپ بەردٸ, - دەپ حابارلايدى Tengrinews.kz تٸلشٸسٸ.
قازاقستان اتىنان سىيعا تارتىلعان قۇدىق ۋگاندا مەملەكەتٸندەگٸ نانوكو ەلدٸ مەكەنٸندە ورنالاسقان. كەسٸپكەر ۋگاندانىڭ The Ngali Development Foundation (نگالي دامىتۋ قورى) كومپانيياسىمەن بايلانىسىپ, نەتيجەسٸندە قۇدىق قازۋ ٷشٸن ەكٸجاقتى كەلٸسٸمگە كەلگەن. قۇدىقتىڭ قۇرىلىسى اقپاندا باستالىپ, 12 ناۋرىزدا اياقتالدى. 13 ناۋرىزدا اشىلۋ سالتاناتى ۇيىمداستىرىلىپ, جەرگٸلٸكتٸ تۇرعىندار قازاقستاندىقتارعا العىسىن بٸلدٸرگەن.
"بٸز تازا سۋعا قولجەتكٸزە الماي وتىرعان اۋىل تۇرعىندارىمىز. قاراپايىم تۇرمىس كەشەمٸز. ازىن-اۋلاق ەشكٸ ۇستايمىز. قازٸر سۋدى 5 شاقىرىم جەردەگٸ ٶزەننەن تاسىپ ٸشٸپ وتىرمىز. بۇل ەرينە تازا سۋ ەمەس. مۇنىڭ بەرٸن بالالارىمىز تاسىپ ەكەلەدٸ. موتوتسيكل, ۆەلوسيپەدٸ بار ادامدار سيرەك. كٶبٸنە جاياۋ تاسىيمىز. بٷگٸن ەلدوس ايبەك دەگەن مىرزا جەرٸمٸزگە كەلٸپ, اۋىلدىڭ قاق ورتاسىنان ٷلكەن قۇدىق قازىپ بەردٸ. العىسىمىزدا شەك جوق. بالالاردىڭ قالاي قۋانعانىن كٶردٸڭٸز بە?! ولاردىڭ قۋانىشىن كٶرٸپ بٸز دە ەرەكشە قۋانىپ تۇرمىز. ەلدوس مىرزاعا كٶپ راقمەت. اللا ٸستەگەن جۇمىسىنا بەرەكە بەرسٸن. بٸز قازاقستان دەگەن مەملەكەت جايلى مٷلدە بٸلمەيتٸن ەدٸك. وسى جاعدايدان كەيٸن ەشقاشان ۇمىتپاستاي بولدىق. قازٸرگٸ قۋانىشتى كٶرگەن بالالار قازاقستاندى, كٶك تۋلارىڭىزدى مەڭگٸ جادىندا ساقتاپ قالارى انىق. قازاقستانعا سەلەم!" - دەيدٸ 63 جاستاعى اۋىل تۇرعىنى سووكا شاريف (30 بالاسى بار).
"قۇدىق قازۋعا قاتىستى بٸزدە ەكٸ تاڭداۋ بولدى. بٸرٸ - ۋگاندا, ەكٸنشٸسٸ - كەنييا. ەكەۋٸ دە شىعىس افريكادا ورنالاسقان. العاشىندا قۇدىقتى كەنييادان قازامىز دەپ ويلادىق. ٶيتكەنٸ, كەنيياداعى قىزمەتتٸڭ باعاسى ۋگانداعا قاراعاندا ارزان بولدى. كەيٸن قوس مەملەكەتكە اناليز جاساپ, ۋگاندانىڭ جٸٶ-سٸ كەنييادان 3 ەسە تٶمەن ەكەنٸن كٶردٸك. ويلانا كەلە, قۇدىقتى تازا سۋعا شىن مۇقتاج حالىققا قازىپ بەرەيٸك دەگەن قورىتىندىعا كەلدٸك. بٷگٸن قۇدىعىمىزدى قولدانىسقا بەردٸك. تۇرعىنداردىڭ, بالالاردىڭ قۋانىشىن كٶرٸپ ەرەكشە تولقىنىستى كٷي كەشتٸم. بۇل جوبامىز قازاقستان مەن ۋگاندا مەملەكەتتەرٸنٸڭ اراسىنداعى بايلانىستى نىعايتا تٷسەدٸ دەگەن سەنٸمدەمٸز", - دەيدٸ ەلدوس ايبەكوۆ.
اشىلۋ سالتاناتىنا قايىرىمدىلىق شاراعا قولداۋ كٶرسەتۋ ماقساتىندا قازاقستاندىق ساياحاتشى-بلوگەر ياكوۆ فەدوروۆ تا بارعان. 65 مەملەكەتتٸ ارالاعان ياكوۆ مىرزا بۇل جولعى ساپاردىڭ ەسەرٸ بٶلەك ەكەنٸن ايتتى.
ياكوۆ فەدوروۆ: "ۋگاندا 5 پاتشالىقتان قۇرالعان. ولار مەملەكەت بيلٸگٸنەن تىس جەكە پاتشالىقتارعا بٶلٸنٸپ ٶمٸر سٷرەدٸ. ەڭ ٷلكەن پاتشالىق - بۋگاندا. ەكٸنشٸسٸ - بۋسوگا. قۇدىق دەل وسى بۋسوگالىقتارعا تيەسٸلٸ جەردەن قازىلدى. ولار لۋسوگا تٸلٸندە سٶيلەيدٸ.
مەن ەلدوس مىرزاعا كٶپ العىس بٸلدٸرەمٸن. ول كٸسٸ عالامدىق مەسەلەگە ٶز ٷلەسٸن قوستى. سۋ - افريكا حالقىنىڭ ەڭ ٷلكەن مەسەلەلەرٸنٸڭ بٸرٸ. بٷگٸن اياداي عانا اۋىلدىڭ پروبلەماسى شەشٸلدٸ".
قۇدىق قولدانىسقا بەرٸلگەننەن كەيٸن ەلدوس ايبەك قازاقستاننان ارنايى اپارعان مەكتەپ جابدىقتارىن ٷلەستٸردٸ. مەملەكەتتٸك جالاۋىمىز بەينەلەنگەن دەپتەر, قالام, قالامساپ, سٶمكەنٸ نونوكولىق بالالارعا تاراتىپ بەردٸ. قۋانىشپەن باستالعان جيىن قۋانىشپەن اياقتالدى. اۋىل تۇرعىندارىنا 2 قازان پالاۋ تاراتىلىپ, بالالارعا تەتتٸلەر بەرٸلگەن.
ەلدوس ايبەكوۆ – كەسٸپكەر. شقو, اياگٶز اۋدانى, اياگٶز قالاسىنىڭ تۋماسى. قازاقستان, تمد بيزنەس نارىعىندا 15 جىلعا جۋىق كەسٸپپەن اينالىسىپ كەلەدٸ. ول وسى ۋاقىتقا دەيٸن بٸرنەشە قايىرىمدىلىق اكتسييالارىن ۇيىمداستىردى. ناقتىراق ايتساق, جالپى قۇنى 15 ميلليون تۇراتىن دتسپ-ناۋقاستارىنا ارنالعان اپپاراتتاردى تەگٸن تاراتقان. اي سايىن ەلەۋمەتتٸك تۇرمىسى تٶمەن وتباسىلارعا ازىق-تٷلٸك, ماتەريالدىق, قارجىلىق كٶمەك كٶرسەتەدٸ. 2021-2022 وقۋ جىلى قارساڭىندا 100 وقۋشىنى مەكتەپ جابدىقتارىمەن قامتاماسىز ەتتٸ. ەلدوس ايبەكوۆ – "رايىمبەك باتىر" قايىرىمدىلىق مەكەمەسٸنٸڭ دەمەۋشٸسٸ.
