فوتو: Gov.kz
قر پرەزيدەنتٸ قاسىم-جومارت توقاەۆتىڭ پەكٸستانعا مەملەكەتتٸك ساپارى اياسىندا يسلاماباد قالاسىندا پەكٸستاننىڭ جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىنىڭ بازاسىندا قازاقستاندىق بٸلٸم بەرۋ جەنە عىلىمي ورتالىقتاردىڭ سالتاناتتى اشىلۋ رەسٸمٸ ٶتتٸ, دەپ حابارلايدى Ult.kz.
سالتاناتتى شاراعا سونداي-اق پەكٸستان يسلام رەسپۋبليكاسىنىڭ پرەمەر-مينيسترٸ شاحباز شاريف, قر عىلىم جەنە جوعارى بٸلٸم مينيسترٸ ساياسات نۇربەك, پەكٸستاننىڭ بٸلٸم جەنە كەسٸپتٸك دايارلاۋ مينيسترٸ حاليد مابۋل سيدديكي قاتىستى.
ەل-فارابي اتىنداعى قازاق ۇلتتىق ۋنيۆەرسيتەتٸنٸڭ ەل-فارابي اتىنداعى ورتالىعى قايد-ي ازام ۋنيۆەرسيتەتٸنٸڭ بازاسىندا اشىلدى. 1993 جىلى قۇرىلعان ورتالىق 30 جىلدان استام ۋاقىت بويى فارابيتانۋ عىلىمىن دامىتىپ, قازاق جەنە شىعىس فيلوسوفيياسىن ەلەمدٸك دەڭگەيدە ناسيحاتتاپ كەلەدٸ. ورتالىقتىڭ تولىققاندى جۇمىس ٸستەۋٸ ٷشٸن قاجەتتٸ ماتەريالدىق-تەحنيكالىق بازا قالىپتاستىرىلىپ, وقۋ جەنە عىلىمي اۋديتورييالار, كومپيۋتەرلٸك سىنىپتار مەن كەڭسە بٶلمەلەرٸ تولىق جابدىقتالعان.
ورتالىقتا شەتەلدٸك ازاماتتارعا ارنالعان قازاق تٸلٸ كۋرستارى, سونداي-اق قازاقستاننىڭ مەدەني مۇراسىن زەرتتەۋگە باعىتتالعان مەدەني-اعارتۋشىلىق ٸس-شارالار, سەمينارلار مەن عىلىمي كونفەرەنتسييالار ۇيىمداستىرىلادى. سونىمەن قاتار ورتالىق سەرٸكتەس ەلدەردٸڭ جەتەكشٸ بٸلٸم بەرۋ جەنە عىلىمي ۇيىمدارىمەن ەرٸپتەستٸك بايلانىستاردى نىعايتۋعا باعىتتالعان.
ق.ي. سەتباەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتٸنٸڭ قانىش سەتباەۆ اتىنداعى عىلىمي-بٸلٸم بەرۋ ورتالىعى ۇلتتىق عىلىم جەنە تەحنولوگييالار ۋنيۆەرسيتەتٸنٸڭ (NUST) بازاسىندا اشىلدى. ورتالىق بٸرلەسكەن عىلىمي جەنە بٸلٸم بەرۋ جوبالارىن ٸسكە اسىرۋعا, ستۋدەنتتەر مەن وقىتۋشىلار الماسۋىن دامىتۋعا, سونداي-اق قازاقستاندىق عىلىمدى حالىقارالىق دەڭگەيدە ٸلگەرٸلەتۋگە ارنالعان الاڭعا اينالادى. ورتالىق كٶرنەكتٸ قازاقستاندىق گەولوگ, اكادەميك قانىش سەتباەۆتىڭ عىلىمي مۇراسىنا ارنالعان.
Satbayev Center ستۋدەنتتەر مەن زەرتتەۋشٸلەردٸڭ بٸرلەسٸپ جۇمىس ٸستەۋٸنە, يدەيالار الماسۋىنا, حالىقارالىق عىلىمي جوبالارعا قاتىسۋىنا, PolytechOnline پلاتفورماسى مەن زاماناۋي ينجەنەرلٸك كۋرستارعا قول جەتكٸزۋٸنە مٷمكٸندٸك بەرەتٸن زاماناۋي كەڭٸستٸك رەتٸندە قۇرىلدى.
ورتالىق ازييا يسلام بٸلٸمٸ, مەدەنيەتٸ جەنە ٶركەنيەتٸنە باعىتتالعان ياساۋي زەرتتەۋ ورتالىعى يسلامابادتاعى حالىقارالىق يسلام ۋنيۆەرسيتەتٸنٸڭ يسلام زەرتتەۋلەرٸ ينستيتۋتىنىڭ بازاسىندا اشىلدى. ورتالىق يسلام جەنە ٶڭٸرلٸك زەرتتەۋلەر سالاسىنداعى بٸرلەسكەن عىلىمي زەرتتەۋلەر جٷرگٸزۋگە, عىلىمي پٸكٸرتالاستار ۇيىمداستىرۋعا جەنە اكادەمييالىق ديالوگتى دامىتۋعا ارنالعان ينتەللەكتۋالدىق پلاتفورما رەتٸندە جۇمىس ٸستەيدٸ.
الداعى كەزەڭدە قازاقستاندىق عالىمداردىڭ پەكٸستانعا عىلىمي ساپارلارىن ۇيىمداستىرۋ, پەكٸستاندىق مامانداردىڭ تٷركٸستان قالاسىندا دەرٸستەر وقۋى, بٸرلەسكەن زەرتتەۋلەر جٷرگٸزۋ جەنە اكادەمييالىق تەجٸريبە الماسۋ جوسپارلانىپ وتىر.
