ا. باراەۆ اتىنداعى استىق شارۋاشىلىعى عىلىمي-ٶندٸرٸستٸك ورتالىعىنىڭ ماماندارى رەسەيلٸك ەرٸپتەستەرٸمەن بٸرلەسٸپ بيداي جەنە ٶزگە دە اۋىل شارۋاشىلىعى دەندٸ-داقىلدارىنىڭ جاڭا سۇرپىن ەزٸرلەۋ ٷستٸندە. بۇل تۋرالى اتالعان ورتالىقتىڭ ديرەكتورى مٸندەتٸن اتقارۋشى باقىت ەربولاتوۆ مەلٸم ەتتٸ, دەپ حابارلايدى قازاقپارات.
«بٸزدەگٸ بيدايدىڭ جاڭا سۇرىپتارى بۇزىلمايدى جەنە ۇزاق ساقتالادى. سوندىقتان دا اۋىل شارۋاشىلىعى سالاسىندا كەڭٸنەن تانىمال. بٷگٸندە بيدايدىڭ «شورتاندى- 20/12», «شورتاندى - 95 جاقسارتىلعان», «استانا» اتتى جاڭا سۇرىپتارى ەلٸمٸز بويىنشا 3 ملن-نان استام گا جەرگە ەگٸلدٸ. جەنە بۇل بيداي سۇرىپتارىنا سۇرانىس جوعارى. دەگەنمەن دە بٸز بۇل جەتٸستٸكپەن توقتاماي, بيدايدىڭ باسقا سۇرىپتارىن ەزٸرلەۋدەمٸز. اتاپ ايتقاندا, «اسىل ساپا», «تايماس» اتاۋلى بيدايدىڭ جاڭا تٷرٸ بٷگٸننٸڭ ٶزٸندە اۋىل شارۋاشىلىعىندا ٷلكەن سۇرانىسقا يە», - دەدٸ ب. ەربولاتوۆ.
ونىڭ ايتۋىنشا, ورتالىق ماماندارى تەك بيداي عانا ەمەس, سونداي-اق مال ازىعى ٷشٸن ۇزاقمەرزٸمدٸ شٶپتەردٸڭ دە جاڭا سۇرىپتارىن ەزٸرلەۋدٸ قولعا الۋدا.
«ايتار بولسام, سۋداندىق «نيكا» اتاۋلى شٶپتٸ نوۆوسٸبٸرلٸك عالىمدارمەن بٸرلەسٸپ ەزٸرلەدٸك. بٷگٸندە ول سىناق مەرزٸمٸنەن ٶتۋدە. ودان بٶلەك, جارمانىڭ دا جاڭا سۇرىپتارى بار. قازٸرگٸ ۋاقىتتا بٸزدٸڭ ماماندار 140-تان استام اۋىل شارۋاشىلىعى دەندٸ-داقىلدارىنىڭ جاڭا سۇرپىن دايىنداپ شىقتى. ونىڭ 60 پايىزىن بيداي تٷرلەرٸ قۇرايدى. بولاشاقتا ٶز ٶنٸمدەرٸمٸزدٸ سىرتقا ەسپورتتاۋدى دا جوسپارلاۋدامىز. بٷگٸندە بۇل باعىتتا رەسەيلٸك ەرٸپتەستەرٸمٸزبەن بٸرلەسكەن كٶلەمدٸ جۇمىستار اتقارىلۋدا», - دەدٸ ول.
